Б.Амгаланбаатар: Өвс ачсан машин дээр сууж явахдаа замын донсолгооны үед унасан байх магадлалтай

Дорнод аймгийн Зэвсэгт хүчний 327 дугаар ангид гарсан хэргийг тодруулахаар ЗХЖШ-ын Хуурай замын цэргийн командлагч бригадын генерал Б.Амгаланбаатараас тодрууллаа.

-Зэвсэгт хүчний 327 дугаар ангид гарсан хэргийн талаар тодруулаач?

-Зэвсэгт хүчний 327 дугаар ангийн байлдагч Б.Наранбаяр нь 2019 оны есдүгээр сарын 18-ны өдөр Дорнод аймгийн Чойбалсан сумын “Өлзийт” гэдэг газар хадлан бэлтгэж байх явцдаа хөдөлмөрийн аюулгүй ажиллагаа зөрчигдсөнөөс болж чиргүүлтэй машин дээрээс унаж амь насаа алдсан харамсалтай хэрэг гарсан.

Энэ хэрэг одоогийн байдлаар Дорнод аймгийн Цагдаагийн хэлтэс дээр шалгагдаж байна. Шүүх эмнэлгийн дүгнэлт болоод бусад эцсийн хариунууд гараагүй. Тухайн үед хадлан дээр ажиллаж байсан цэргүүдийг дэд ахлагч н.Баяртулга ахалж явсан бөгөөд миний мэдэж буйгаар өвс ачсан машин дээр сууж явахдаа замын донсолгооны үед унасан байх магадлалтай гэсэн дүгнэлт байна. Харин бусад дүгнэлт хараахан эцэслэн гараагүй учраас хэлэх боломжгүй.

-Ер нь хадлан хураах ажилд Зэвсэгт хүчний анги салбар оролцуулах шийдвэр байдаг юм уу?

-Улс орныг хамарсан бүтээн байгуулалтын ажил цаг үеийн арга хэмжээ, аж ахуйн ажилд цэргийн анги салбарын ажлыг алдагдуулахгүйгээр оролцуулж болно гэсэн Монгол Улсын Ерөнхийлөгчийн баталсан журамтай.

Энэхүү журмынхаа дагуу энэ цэргүүд тухайн нутаг дэвсгэр дээр байж байгаа зэвсэгт хүчний нөөцийн сүргийн хадлан бэлтгэх ажилд явж байгаад ийм осол гарсан. Энэ нь дүрмийнхээ дагуу тухайн үед ангийн захирагч тушаал гаргаад ажиллуулсан байгаа.

-Хөдөлмөрийн аюулгүй байдал зөрчигдсөнтэй холбоотой тухайн удирдан ажиллуулж байсан албан тушаалтнуудад сахилгын хариуцлага тооцсон гэсэн. Энэ талаар?

-Тухайн үед өвс ачсан машин дээр цэргүүд суулгасан нь Хөдөлмөрийн аюулгүй байдал зөрчигдсөн. Тиймээс тэр үед хариуцаж ажиллуулж байсан албан тушаалтнууд хөдөлмөрийн аюулгүй байдлыг сахиагүйгээс ийм асуудал болсон гэж урьдчилж дүгнэж байгаа.

Тухайн 327 дугаар ангийн захирагч дэд хурандаа Т.Тогмиддүүмий бид хоёрыг Хөдөлмөрийн аюулгүй ажиллагаа зөрчсөнөөс үүдэлтэй ийм осол болсон гэдгээр Жанжин штабын даргын тушаалаар, Хуурай замын цэргийн командлалын тушаалаар сахилгын арга хэмжээ авагдсан.

-Цаашид энэ тал дээр яаж анхаарч ажиллах гэж байна вэ?

-Ер нь хөдөлмөрийн аюулгүй ажиллагааг сахиулах зайлшгүй шаардлага байна гэж үзээд бидэнд сахилгын арга хэмжээ авсан. Улс орны хэмжээнд тур дундаа энэ жилийн хувьд хур бороо ихтэй, ургац арвинтай байгаагийн үүдээд энд тэнд аж ахуйн нэгж байгууллагууд дээр ажиллаж буй цэрэг олон бий.

Энийг бид цаашдаа хөдөлмөрийн аюулгүй байдлыг сахиулах бүх чиглэлээр нь үүрэг даалгавар өгсөн. Зарим газруудад шалгалт хийсэн байгаа. Мөн тухайн үед ахалж байсан н.Наранбаярт энэ хэрэг эцэслэн шийдэгдсэний дараа хариуцлага тооцно. Амиа алдсан алба хаагчын оршуулгын тэтгэмж мөн “Цэргийн албаны тэтгэвэр тэтгэмжийн хууль”-д заасны дагуу ахлагчийн цалинг 5 жилийн дунджаар тооцож ар гэрийнхэнд олгосон.

Зэвсэгт хүчний жанжин штаб
Сэтгэгдэл (4)
Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
2019.10.02
202.179.24.169
иргэн

Цэрэг тушаал биелүүлэх үүрэгтэй. Гэхдээ цэрэг ч бас амьд явах эрхтэй. Аюулгүй байдлыг нь хангах үүргээ биелүүлээгүй холбогдох бүх хүмүүст эрүүгийн хариуцлага тооцож, дахин эргэн орж ажиллах эрхгүй болгох ёстой. Хайран залуу. Харамсалтай.

2019.09.30
150.129.142.254
bolor

Naranbayar ni unaad nas barsan yum bish u.nas barsan hund bas hariutslaga tootsuulaad bdag erguu setguulch e naad helhsen hedhen ugee hyanaj shalgachih chadvargui haanahiin surguuli tugssun suudliin bugluus ve

2019.09.30
66.181.161.56
зочин

энэ БХЯ-ны дээд удирдлагыг бүгдийг солиоч ,энэ сайд нь ажилаа өгөөч ,цэрэг үхсэн шалгаж бна,задлангын хариу ирээгүй ,мөрдөн нууц улсын нууц гэдэг ,хэдэн жижүүрийн үг хэлээд ,хэдэн тэтгэврийн өвгөд зогсож байхын одоо болсон юм бишүү,энэ сэтгэлгүй хүн сүгнүүдээ зайлуулаач

2019.09.30
103.10.22.90
зочин

энэ сэтгүүл нэр зүүсэн юмнууд хүнээс ярилцлага аваад зөв утга санаатай бичих чадвар алга . наад бичсэнээ уншаад үз .нас барсан хүнд хариуцлага тооцно энэ тэр гээд бөөн холион бантан.