Японд амиа алдсан хүний тоо 80 хүрчээ

6 цагийн өмнө

Японыг дайран өнгөрсөн Хагибис хар салхины улмаас амиа алдсан хүний тоо 80 хүрч, сураггүй алга болсон хүний тоо 11 болсон гэж “NHK” мэдээллээ.

Хар салхинд хамгийн ихээр нэрвэгдсэн Фүкүшима мужид 30 хүн амиа алдсан бол Миаги мужид 17, Канагава мужид 14 хүн амиа алджээ. Точиги, Гунма мужуудад 8 хүн, Нагано, Сайтама, Иватэ, Ибараки мужуудад есөн хүн амиа алдсан байна.

Байгалийн гамшгийн улмаас 33 мужид 398 хүн гэмтжээ.

Японы Ерөнхий сайд Шинзо Абэ, сүүлийн арван жилд болоогүй хүчтэй хар шуурганы улмаас учирсан хохирлыг арилгахад 2019 оны төсвийн хүрээнд Засгийн газрын нөөц сангаас 710 сая иен буюу 6.5 сая доллар зарцуулна хэмээн мэдэгдсэн юм.

Уулархаг бүсийн оршин суугчид илүү их хохирол амссан бөгөөд авто зам эвдэрсэн тул хангамжийг Өөрийгөө батлан хамгаалах хүчний нисдэг тэргээр хүргэж байгаа аж.

Эх сурвалж: NHK

Сэтгэгдэл (0)
Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.