Д.Одбаяртай хамт явсан иргэн “А” гэгчийг эрэн сурвалжлуулахаар Интерполд ханджээ

БНСУ-ын Инчеон хотын цагдаагийн газарт ҮХЦ-ийн дарга Д. Одбаярын байцаалт  11 цаг орчим үргэлжилж өнгөрсөн шөнө /11.07/ 01.00 цагийн орчимд дуусчээ. Эх сурвалжийн мэдээлж буйгаар эхэндээ бүгдийг үгүйсгэж байсан ч байцаалтын явцад зарим буруутай үйлдлээ хүлээн зөвшөөрсөн гэх мэдээлэл байна. 


Хэргийг үргэлжлүүлэн шалгах хэрэгтэй гэж үзсэн тул мөрдөн байцаагчид Үндсэн хуулийн цэцийн дарга Д.Одбаярт 10 хоногийн хилийн хориг тавьжээ. Тэрбээр, арваннэгдүгээр сарын 6-наас 15-ныг хүртэл БНСУ-аас гарах эрхгүй боллоо.


Д. Одбаярыг мөрдөн байцаалтнаас гарч ирэх үеэр маш олон хэвлэлүүд цугларсан байжээ. Сэтгүүлчид түүнээс "Та үнэхээр онгоцны үйлчлэгч эмэгтэйд бэлгийн дарамт үзүүлсэн үү", "Та болж буй үйл явдлын талаар ямар бодолтой байна" гэж асуухад ямар нэгэн хариулт хэлэлгүй явсан байна. 


Гэрч, хохирогчдын мэдүүлснээр, Д.Одбаяр болон А нар нь тухайн өдөр согтуурууах ундаа хэрэглэсэн байсан ба Д.Одбаяр нь онгоцны ариун цэврийн өрөөний ойролцоо 20 орчим насны үйлчлэгч бүсгүйн гуянд хүрсэн бол А нь хэд хэдэн удаа шар айраг өгөхийг шаардан өөр нэгэн үйлчлэгч бүсгүйг мөрөөр нь тэвэрч бэлгийн дарамт учруулсан гэгдэж байгаа юм.


Мөн Д.Одбаяр нь тухайн үед шаардлага тавьсан нисэх багийн ажилтныг хана руу түлхэж, орчуулга хийхээр ирсэн KAL-ын ажилтан монголын иргэн Б-г “Намайг ҮХЦ-ийн дарга гэдгийг мэдэх үү. Шууд орчуулаадах. Чи хаана амьдардаг юм. Би чамайг монголд очоод зүгээр өнгөрөөхгүй” гэх мэтээр сүрдүүлсэн гэсэн мэдээллүүд байна.


Анх Д.Одбаяр нь Инчеоны нисэх буудлын цагдаа нарт саатуулагдаад байхдаа дипломат халдашгүй эрхтэй гэж хэлээд суллагдаж байсан. Гэвч дараа нь тус улсын Гадаад харилцааны яамнаас түүнийг дипломат эрх эдлэхгүй, түүнийг суллаж явуулах ёсгүй байсан гэсэн мэдэгдлийг хийсэн байдаг.


Харин иргэн “А” нь мэдүүлэг өгөхөөс зайлсхийж Сингапур руу ниссэн гэх мэдээлэл байгаа юм.


Инчеон хотын цагдаагийн газраас Монгол Улсын иргэн “А” гэгчийг эрэн сурвалжлуулахаар Интерполд хандсан гэж “KBS” суваг өнөөдөр мэдээлжээ.

Б.Орхон

Сэтгэгдэл (3)
Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
2019.11.07
118.33.222.183
mm

sogtuudaa bish bhaa ednar ingeed surtsan blhr tegj bga ongotsond uhaanaa aldadtlaa uuj amjihgui hoorood hool irtlee udna arhi uuh 1tsag l bga ....mongold bol huuhnuudeer togloj duusdag baih ni...mongold ireheer ni ajliin bair ii daramt belgiin huchirhiilel uildej bsn esehiig shalgaad uzvel aimar yum garj irhiin bna da

2019.11.07
139.5.217.94
Зочин

Архи савнаасаа бусдииг диилэн гэж үгииг бодоогүи явж дээ. Ториин том дарга сэтэртэнгүүд минь архи бага хэрэглээч , хулгаигаа зогсоохгүи бол цааз гэдэг вм баигаа шүү хэрэг хуучирдаггуи гэдгииг санаач заавал ял асууж журманд нь оруул энэ бол шударша баихиин голтохируулага шүү дээ хуулииг битгии ялгавартаи хэрэгэлээч

2019.11.07
66.181.185.36
Зочин

Тэгээд тэр А гэдэг хүний нэрийг яагаад нууцлаад байгаа юм бээ? Бас л нэрийг нь өдий болтол гаргахгүй ямар учиртай хүн юм бээ? Дээрээс бас нууцлаад байгаа юм уу?