Л.Одсэр: Малчид бэлчээрээ булаацалдаж "алалцах" дээрээ тулж байна

2019 оны 11 сарын 21

Малчдын өмнө тулгамдаж буй асуудлуудын талаар “Чинээлэг Малчин бойжуулах төв” ТББ-аас мэдээлэл хийлээ. 

Чинээлэг малчин бойжуулах төв ТББ-ын тэргүүн Л.Одсэр ярихдаа "Бид малчдынхаа төлөөлөлтэй хамтраад цас зудтай холбоотойгоор байдал хүндэрч байгаа талаар Засгийн газарт шаардлага хүргүүлэхээр хэвлэлийн хурал зарлаж байна. Өвөлжилт хүндэрч бэлчээр доройтож, цас зудтай болсноор маш олон аймгуудад мал идэх өвсгүй хаачихаа мэдэхгүй байна.

Энэ нь юутай холбоотой вэ гэхээр малын тоо толгой өссөнтэй холбоотой. Мөн цас зуд ихэссэнтэй холбоотойгоор малчид хоорондоо бэлчээрээ булаацалдаж “алалцах” дээрээ тулж байна.  Иймэрхүү аймшигтай хэргүүд эхнээс гараад эхэлчихсэн. Үүнд Засгийн газар ямар нэгэн арга хэмжээ авч хэрэгжүүлэхгүй байна. Өнгөрсөн наймдугаар сард Засгийн газрын хуралдаанаар мах экспортлохыг хориглосон шийдвэр гаргасан.

ХААХҮЯ-ны Ч.Улаан сайд махны экспорт дээр квот тогтоож хориг арга хэмжээ авсан. Энэ нь нэг талаараа монголын ядарсан иргэдэд махны үнэ өсгөхгүй байх талаар авч хэрэгжүүлж ажил боловч нөгөө талаар үүгээр халхавч хийн өөрсдийн бульхайтай бизнесийг хийж хэрэгжүүлж ирсэн. Малчид энэ олон малаа худалдан борлуулах гэхээр худалдан авагч байхгүй. Худалдан авч байсан гадаад иргэдийг удирдах газрууд нь гаргаад явуулчихсан. Мөн мал, махыг нь худалдан авч байсан монголын бизнес эрхлэгч болон комбинатуудыг квот нэрийн дор хориг тавьсан. Хамгийн чухал нь малчид махаа борлуулах газаргүй болчихлоо." гэсэн юм. 

"Дөрвөн алтан бэрс” малчдын холбооны тэргүүн, Архангай аймгийн Эрдэнэмандал сумын мянгат малчин П.Тамир хэлэхдээ “Монгол Улсын малчид мал сүргээ өсгөн үржүүлж, 65-70 сая мал болгон өсгөжээ. Ажлаа ч сайн хийсэн байна. Мал аж ахуйн салбар Монгол орны эдийн засгийн нэг тулгуур гэж яригддаг. Гэтэл өнөөдөр бид багахан хэмжээний малынхаа махыг гадаадад гаргаж, тодорхой шалтгаан ярьж, квот тогтоож байна.

Малын үнэ, түүхий эдийнх нь үнэ унаж байна. Монголын мал аж ахуйн салбар бол амьд үйлдвэр. Амьд үйлдвэрээс гарсан мах, ноос ноолуур, арьсаа ашиглан нэмүү өртөг шингээж, дэлхийн эдийн засагт хувь нэмэр оруулдаг болмоор байна. Гэтэл манай улс дотоодын хэрэгцээндээ 10-15 сая мал нядалж, бойнд орох ёстой. Үүний ихэнх тоо толгойг хонь эзэлдэг. Сүүлийн хоёр жил хонины арьс үнэгүйдэж, шатааж устгаж байна.

Үхрийн арьс дөрөвхөн мянга, адууны арьс дэл, сүүлтэйгээ 7-10 мянган төгрөгийн үнэтэй. Гэтэл холбогдох салбар яамнаас ямар ч арга хэмжээ авдаггүй, Засгийн газраас олон улсад малынхаа мах, түүхий эдийг экспортлох тал дээр дорвитой ажил хийхгүй байна. Одоо эхнээсээ малчид Япон, Солонгос явж ажилладаг болж байна. Монгол малчин монголоороо байж чанартай маш үйлдвэрлэснээр дэлхийн зах зээлд үнэтэй худалдаалах чиглэл рүү явах ёстой” гэв.

Т.Очир
 

Сэтгэгдэл (2)
love
haha
wow
angry
sad
Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
2019 оны 11 сарын 23
202.21.108.172
trtr

Gombo Ochir bol ulaan luivarchin baina bilee.bas khudalch.

2019 оны 11 сарын 21
117.111.13.212
Mmm

Yu yarina we 70n sayl maltai 3han say huntei ornii kg mahnii unee harlda shivshig shivshig..malchdaas bayan hun baihgui bha..maliin ashig shimeer anidarch bga humuus oorsdoo l hicheeh yostoi tsas. Zud ene jil anh udaa genet bolood bgmu esvel..malchid malaa hyamd zarj too tolgoigoo bagasgaj todorhoi hemjeend barij ..tsas zudnaar ideh ovs hdaj tejeel beldej...odoonii ene malchdiin aav.ovoo ..ingej l shn mallaj irsen de ter ueiin tsas..zud odooniihoos hed dahin ih aihtar bsn sanahiin..mongold kg mah 5000s deesh garah undesgui olon maltai oron ugn