Ерөнхий сайд У.Хүрэлсүх Монгол Японы хооронд үйлдэж буй нислэгүүдийг цуцлах чиглэл өгчээ

2020 оны 02 сарын 25

Коронавирусийн халдвар дэлхийн 36 оронд бүртгэгдээд байна. БНХАУ-ын Эрүүл мэндийн яамны хоёрдугаар сарын 25-ны мэдээгээр 80036 хүн коронавирусийн халдвар авч, 2699 хүн нас барж, 27444 хүн эмчлэгджээ. Өнгөрсөн долоо хоногт БНСУ-д халдвар авсан хүний тоо эрчимтэй нэмэгдэж буй бөгөөд 48000 монгол иргэн ажиллаж амьдарч буй тус улсад коронавирусийн халдварын 833 тохиолдол бүртгэгдэж, найман хүн нас баржээ.

Харин Япон улсад 838 тохиолдол бүртгэгдэж, дөрвөн хүн нас барсан бол Европын орнуудаас Итали улсад цар тахлын тархалт эрчимтэй нэмэгдэж халдвар авсан хүний тоо 229 болж, долоон хүн эндсэн байна.

Үүссэн нөхцөл байдалтай холбоотойгоор манай улсын Засгийн газраас БНСУ-руу зорчих нислэгийг цуцалсан. Тэгвэл өнөөдөр Ерөнхий сайд У. Хүрэлсүх УОК-н дарга буюу Шадар сайдад болон Зам, тээврийн хөгжлийн сайд, Эрүүл мэндийн сайд нарт үүрэг өгчээ.
Тэрбээр Монгол Японы хооронд үйлдэж буй нислэгүүдийг цуцлах, мөн бусад арга хэмжээг цаг алдалгүй авах чиглэл өгсөн байна. Энэ асуудлаар Улсын Онцгой комисс хуралдах юм.

 

Сэтгэгдэл (0)
love
haha
wow
angry
sad
Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.