945 баар, 310 дэн буудал, 321 шашны байгууллагын үйл ажиллагааг зогсоолоо

2020 оны 02 сарын 27

НМХГ-ын дарга Л.Эрдэнэчулуун шинэ төрлийн коронавирусийн халдвараас урьдчилан сэргийлэх хүрээнд Улсын Онцгой комиссоос гарсан шийдвэрийг хэрэгжүүлэх арга хэмжээний талаар танилцууллаа. Энэ хүрээнд Улаанбаатар хотод үйл ажиллагаа явуулж байгаа 945 бар, 310 дэн буудал, 69 амралтын газар /сувилал хамаарахгүй/ 64 жуулчны бааз, 87 саун массаж, 59 фитнесс  клубын  үйл ажиллагааг 3-р сарын 30-ны өдөр хүртэл зогсоож байна.

Мөн 15 урсгалаар үйл ажиллагаа явуулдаг 321 шашны  байгууллага сүм, хийдийн үйл ажиллагааг  зогсоолоо. Дээрх бүлэгт хамаарч байгаа аж  ахуй нэгж үйл ажиллагаа явуулсан тохиолдолд иргэнийг 1.500.000 төгрөгөөр, аж а ахуй нэгжийг 5.000.000 сая төгрөгөөр торгож, зөрчлөө давтан үйлдсэн тохиолдолд тусгай зөвшөөрлийг цуцлах, тухайн салбарт үйл ажиллагаа явуулах эрхийг бүрмөсөн хориглох зэргээр хатуу хариуцлага тооцохоо мэдэгдлээ. 

Т.Хэрлэн 

 

Сэтгэгдэл (0)
love
haha
wow
angry
sad
Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.