Италид 95 настай эмээ эдгэрсэн нь олныг гайхашруулж байна

2020 оны 03 сарын 23

Итали улсын Модена мужид коронавирусийн халдвар авсан 95 настай эмээ бүрэн эдгэрч, тус мужийн анхны эдгэрсэн хүн боллоо. Дэлхийн өнцөг булан бүрт тархсан энэхүү вирусийн халдвар ахмад настнуудад хүндээр тусч байгаа бөгөөд олон хүн ч амиа алдсаар байгаа билээ. Тийм ч учраас хөгшин Европын хүн амтай ихтэй Итали улсад гэхэд уг вирусийн халдварын улмаас 5,476 хүн нас барсан үзүүлэлттэй байна.

Гэхдээ уг вирусийн халдвар авсан өндөр настан эдгэрч болдог юм гэх жишээг Итали улс харууллаа. Түүнчлэн тус мужийн хоёр дахь өвчтөн болох 27 настай  Модена мужийн Карпи хотын оршин суугч эрэгтэй мөн эдгэрсэн тус улсын хэвлэл мэдээллийнхэн онцолжээ.

The number of people who died from coronavirus in Italy has increased by 627 to 4,032

Одоогийн байдлаар тус өвчтөний нэрийг зарлаагүй боловч, түүнийг асарч сувилж байсан эмч нар түний зургийг интернэт орчинд байршуулсан байна.

Уг эмэгтэй нь Модена болон Болонагийн хооронд байрлах Апеннайгийн Фананоос гаралтай бөгөөд Модена мужийн анхны эдгэрсэн хүн болсон гэж Италийн Анса мэдээллийн сайтын мэдээлэв.

Итали улсад коронавирусийн халдвар авсан нийт 59 138 иргэн байгаагаас 5476 өвчтөн нас барж, 7 024 өвчтөн бүрэн эдгэрч, эмнэлгээс гарсан байна.

Эх сурвалж: Mirror

Х.Дэлгэрэх

Сэтгэгдэл (0)
love
haha
wow
angry
sad
Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.