Ирэх сараас бөхчүүдийн цуврал барилдаан зохион байгуулна

С.Гандэлгэр
2021/02/23

Монголын Үндэсний бөхийн холбооноос ирэх сард бөхчүүдийн цуврал барилдаан зохион байгуулахаар шийдвэрлэжээ. 

МҮБХ "Грийн шоу продакшн"-тай хамтран "Хийморь" төслийг хэрэгжүүлэхээр бэлтгэж байгаа аж. Уг төслөөр шинэлэг хэлбэрийн онц сонирхолтой, шагналын сан өндөр, бөх сонирхогчдын таашаалд нийцсэн, энэ цагийн идэр залуу, улс аймгийн цолтой шилдэг бөхчүүдийн цуврал барилдааныг зохион байгуулахаар шийдвэрлэжээ.

Эхний барилдаанд улсын харцага цолтой бөхчүүд оролцох бөгөөд барилдаан гуравдугаар сарын 14-ний ням гарагт Монгол бөхийн өргөөнд зохион байгуулах юм байна. Бөхчүүдийг хоёрдугаар сарын 25-ны өдөр Монгол бөхийн өргөөнд барилдааны техникийн зөвлөгөөнд хүрэлцэн ирэхийг урьжээ.



Сэтгэгдэл (2)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
  • 192.82.78.176
    2021/02/24

    Далан давхарт барилд

    Хариулах
  • 203.91.115.48
    2021/02/23

    Нэгэнт үзвэр үйлчилгээг зөвшөөрсөн юм чинь Бөхийн өргөөнд 1/3 үзэгчтэй ТОГЛОЛТ хийж болох бус уу? Харин бөхийн барилдаан болохоор уралдаан тэмцээн болчихоод байдаг Яамаар ч юм дээ

    Хариулах