Хойд Солонгост сургууль нээх хугацааг 2 удаа хойшлуулжээ

2020 оны 03 сарын 31

Хойд Солонгосын эрх баригчид сургууль нээх хугацааг дөрөвдүгээр сарын 15-ны өдрийг хүртэл сунгав. Өнгөрсөн хоёрдугаар сарын 20-ны өдөр Хойд Солонгосын эрх баригчид сургууль нээх хугацааг нэг сараар сунгах тушаал гаргаж байсан билээ. Тэгвэл гуравдугаар сарын 16-ны өдрийн Даваа гарагт Хойд Солонгосын Боловсролын яамнаас бүх сургуулиудад шинэ улирлын хичээлийг дөрөвдүгээр сарын 15-наас эхлүүлэх тушаалыг гаргасан байна.

Тус улсын Боловсролын яамны зүгээс хүмүүс хоорондын биечлэн харилцах харилцааг хориглох нь коронавирусийн халдвараас сэргийлэх хамгийн шилдэг арга гэж зөвлөж байна. Хойд Солонгост сургууль нээхийг нэг биш хоёр удаа хойшлуулсан нь хүмүүст ихээхэн бухимдал төрүүлж байна. Хойд Солонгост коронавирусийн тохиолдол бүртгэгдээгүй байхад сургууль нээх хугацааг ийнхүү хоёр удаа хойшлуулсан явдал нь тус улсын зүгээс вирусийн халдварыг маш ноцтойд тооцож байгаа тухай холбогдох эх сурвалжууд мэдээлж байна.

2020 оны гуравдугаар сарын 31-ний өдрийн байдлаар коронавирусийн тархалттай холбогдуулан 165 улсад цэцэрлэг, дунд сургууль, их сургуулийн үйл ажиллагааг түр зогсоосон байна. Нийт суралцагчдын 87.1 хувь буюу 1 524 648 768 хүүхэд, залуучууд хөл хорионд ороод байна.

Э.Мөрөн

Сэтгэгдэл (1)
love
haha
wow
angry
sad
Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
2020 оны 03 сарын 31
211.36.140.57
Mmm

Tashaa medee baihaa ene ..irged buhimdah erhgui uls oron shuude..buuduulna..