Норвеги улс цэцэрлэг, бага сургуулийн үйл ажиллагааг эхлүүлэхээ зарлав

2020 оны 04 сарын 09

Өнөөдрийн байдлаар Норвеги улсад коронавирусийн халдварын бүртгэгдсэн тохиолдол нийт 6042-т хүрч, улмаар 101 өвчтөн нас барсан байна. Тус улсын Эрүүл мэнд, халамжийн сайд коронавируст халдварын тархалтыг хяналтад авч чадсан гэж 2020 оны дөрөвдүгээр сарын 6-ны өдөр мэдэгдэл гаргасан.

Харин өчигдөр, Норвегийн Ерөнхий сайд Эрна Солберг цэцэрлэгийн үйл ажиллагааг ирэх долоо хоногийн даваа гараг буюу 2020 оны дөрөвдүгээр сарын 20-ны өдрөөс, бага болон дунд ангийн хичээлийг 27-ны өдрөөс тус тус эхлүүлэхээр төлөвлөж байгаагаа зарласан байна.

Түүнчлэн их, дээд сургууль, коллеж, мэргэжлийн техник боловсролын дунд сургуулийн төгсөх ангийн оюутнуудын хичээлийг 27-ны өдрөөс эхлүүлэх юм байна. Тус улсад спорт, соёлын үйл ажиллагааг энэ оны зургаадугаар сарын 15-ны өдрийг хүртэл зохион байгуулахыг хориглоод байна. 

Эх сурвалж: Norwegian News

Э.Мөрөн

Сэтгэгдэл (0)
love
haha
wow
angry
sad
Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.