Тогтоол усанд амиа алдсан хүүхдүүдийн ар гэрт 20 саяыг өгсөн гэдэг нь худлаа гэв

С.Гандэлгэр
2021/03/30

Хэргийг дахин сануулахад өнгөрсөн жилийн таван сард Үндэсний цэцэрлэгт хүрээлэнгийн усан халианд 3 айлын 4 хүүхэд эндсэн харамсалтай хэрэг гарсан. Амиа алдсан дөрвөн хүүхдийн хоёр нь нэг айлын хүүхэд байсан бөгөөд дүүгээ аврахаар ороод амь эрсэдсэн юм.

Хариуцагчаар "Хан Tалст" компани татагдасан бөгөөд өмнө нь дөрвөн удаа хэрэг буцаагдаж, өнөөдөр буюу 3 сарын 29- ний өдөр 5 дахь удаагаа урьдчилсан хэлэлцүүлэг болж байна.

Тиймээс амиа алдсан дөрвөн хүүхдийн ар гэрийнхэн өнөөдөр /2021.03.29/ хэвлэлийнхэнд хандан мэдээлэл хийлээ. Тэд "Амиа алдсан хүүхдүүдийн ар гэрийнхний хувьд компаны зүгээс буяны ажилд зориулж хоёр сая төгрөг өгсөн. Мөн шинэ жилийн өмнө гурван айлд хүнсний тусламж үзүүлж нэг, нэг сая төгрөг өгсөн. Бидэнд сэтгэл санааны хохирол барагдуулж тус бүр 20, 20 сая төгрөгийн  мөнгөн тусламж үзүүлнэ гэсэн ч өгөөгүй. Шүүх хурлаар ямар шийдвэр гарахыг хүлээсэн байдалтай байгаа" гэдгийг хэллээ. 



Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

    Сэтгэгдэл бичигдээгүй байна