“Apple” компани амны хаалттай эзнээ таньдаг iOS системийн 13.5 шинэ хувилбарыг бүтээжээ

2020 оны 05 сарын 18

Цар тахлын үед иргэд халдвар авахгүйн тулд амны хаалт зүүж байх явцдаа FaceID буюу царай танигчаар ухаалаг утасныхаа түгжээг гаргаж чадахгүй байгаа билээ. Үүнтэй зэрэгцэн  “Apple” компанийн хэрэглэгчдийн хувьд гар утасныхаа түгжээг гаргахын тулд амны хаалтаа авах эсвэл урт PIN код бичих хэрэгтэй болоод байгаа юм. Энэ үед “Apple” компанийн зүгээс амны хаалтаа зүүж байхдаа гар утасныхаа түгжээг гаргах боломжийг нээж өгчээ.

Face ID нь таны нүд, хамар, аманд харагдахуйц байхыг шаарддаг.

FaceID нь ямар ч төрлийн нүүрний будагтай үед ажиллахгүй. Өөрөөр хэлбэл та ухаалаг утасныхаа түгжээг гаргахдаа өөрийн будагтай эсвэл будаггүй зургаа таниулснаар таны түгжээ тухайн царайгаар тайлагддаг. Иймд уг халдварт өвчний үед “Apple” хэрэглэгчдэдээ тулгамдаж байгаа асуудлыг шийдэхийн тулд iOS системийн 13.5 дахь шинэ хувилбарыг санал болгосон байна. Одоо iPhone ухаалаг гар утасны iОS систем нь 13.4.1 хувилбар дээрээ хөгжүүлэлт хийн явагдаж байгаа билээ.

iOS системийн 13.5 дахь шинэ хувилбарыг хөгжүүлэгчдийн түвшинд туршиж байгаа гэнэ. Тус компаниаас шинэ Бета хувилбарыг туршиж үзсэн бөгөөд энэхүү туршилтаар FaceID нь амны хаалт зүүсэн үед ч эзнээ сайн таних боломжтой болсон байна.

 iPhone-ийн дэлгэцийн доод хэсгээс шууд PIN код руу шилжих боломжтой болсон

Та ухаалаг утсаараа ажлаа амжуулдаг, амны хаалттайгаа утасныхаа түгжээг гаргах нэн чухал шаардлагатай бол  “Apple” компанийн олон нийтийн бета програмд ​​бүртгүүлж, iOS системийн 13.5 дахь шинэ хувилбарыг албан ёсны хувилбараас өмнө суулгуулах боломжтой. Гэхдээ албан ёсоор нэвтрүүлэх хугацаа зарлагдаагүй байгаа учир та урьдчилж бүртгүүлсэн тохиолдолд сул талууд гарч болзошгүй. Тухайлбал, бага зэргийг гацалт, жижиг асуудал тулгарахыг үгүйсгэхгүй аж.

Хэрвээ бүртгүүлэхийг хүсвэл Apple Beta Software програмын сайт руу нэвтрэн Бүртгүүлэх товчийг дарна уу.

- Нэгдүгээрт, Apple ID ашиглан нэвтэрч,  дараа нь заавартай танилцана

- Хоёрдугаарт, төхөөрөмжинд өөрийн нүүр зургаа оруулж, бататгана

Үүний дараа та iOS 13.5-ийг install хийж, дараагаар нь Тохиргоо цэснээс Ерөнхий,Ерөнхийгөөс Програм (Settings > General > Software update) хангамжийн шинэчлэлт рүү шилжсэнээр iOS системийн 13.5 дахь шинэ хувилбарыг суулгаж чадсан гэсэн үг юм. 

Хэрэв та iOS-ийн бета хувилбарыг ашиглахыг хүсэхгүй бол iOS 13.5 албан ёсоор гарах хүртэл хүлээх боломжтой.

Хэрвээ та FaceID-аа идэвхгүй болгохыг хүсвэл

1. Утасныхаа Тохиргоо цэс рүүгээ орно 

2. Доош гүйлгэн FaceID & Passcode цэс рүү нэвтэрнэ

3. Нууц код шаардсан хэсэгт өөрийн Passcode-оо оруулна.

Ингээд та FaceID-аа идэвхгүй болгосноор дэлгэцийн дээд хэсэгт байрлуулсан унтраалга товчийг ашиглан ухаалаг утасныхаа түгжээг тайлна. Энэ нь таны утас таны царайг огт хайхгүй хэрэггүй болж байна гэсэн үг юм. 

Эх сурвалж: CNEТ

Э.Мөрөн

Сэтгэгдэл (0)
love
haha
wow
angry
sad
Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.