Улс орнууд сургуулиа нээхдээ аюулгүй орчныг хэрхэн бүрдүүлж байна вэ?

2020 оны 05 сарын 19

Цар тахал гарснаар улс орнууд боловсролын байгууллагуудынхаа үйл ажиллагааг зогсоож, дэлхийн 1.4 тэрбум суралцагч сургуульдаа явах боломжгүй болсон. Ихэнх улс оронд хэдэн сарын хугацаанд сургуулиуд хаалттай байгаа билээ. Гэхдээ цар тахлын халдварын тохиолдлууд буурсан цөөн тооны улс сургуулиудаа нээж эхэлсэн. Тухайлбал, Израиль тавдугаар сарын 3-ны өдрөөс тусгай хэрэгцээт сургуулиудаа нээж, ерөнхий боловсролын сургуулийн 1, 2 дугаар анги болон ахлах сургуулийн төгсөх ангийн сурагчид хичээлдээ явж эхэлсэн. Норвеги, Япон, Дани, Хятад болон Тайванийн сургуулиуд хичээллэж байгаа.

Сурагчид шинэ нөхцөл байдалд тохируулсан сургалтын орчинд хичээллэж байна. Тухайлбал, сургуулийн үүдэнд биеийн халуунаа шалгуулж, 6 футийн /1.8 метр/ зайтай байрлуулсан ширээний ард сууж, зарим сургууль тоглоомын талбайгаа хаажээ. Боломжтой газарт багш нар цөөн тооны сурагчийн бүлгийг агаарт хичээллүүлж байна.

АНУ-ын ихэнх сургууль энэ ондоо танхимын сургалт явуулахгүй. Өвчний хяналт, урьдчилан сэргийлэх төвөөс цайны газруудыг хаах, спортын арга хэмжээнүүдийг цуцлах, хээрийн аялал хийхийг хориглосон байгаа билээ.

Энэ цаг үед Дани, Япон, Норвеги, Хятад, Израиль болон Тайвань сургуулиа нээж, аюулгүй орчныг хэрхэн бүрдүүлж байна вэ?

  1. Сурагчдын ширээг 1.8 метрийн зайтай байрлуулж, эцэг, эхчүүдийг сургуулийн байранд нэвтрүүлэхгүй байх,
     
  2. Сурагчдын биеийн халууныг хэмжих,
     
  3. Сургуулийн тоглоомын талбайг хаах, багш нар зарим хичээлээ гадаа орох,
     
  4. Сурагчид цаг тутам гараа угаах, амны хаалт зүүх,
     
  5. Сургуулийн хоолны газарт сурагчид оноосон ширээний ард сууж, үдийн цайгаа уух,
     
  6. Нэг ангид хичээл орох сурагчдын тоог цөөрүүлэх,
     
  7. Зарим сургууль халуунтай сурагчийг тусгаарлах өрөө гаргах,
     
  8. Сурагчдыг үе шаттайгаар хичээлд нь оруулах,
     
  9. Анги, танхим болон цэцэрлэгийн тоглоомыг өдөрт 2 удаа ариутгах,
     
  10. Суурь өвчтэй болон 65 наснаас дээш сургууль, цэцэрлэгийн багш, ажилтнуудыг түр ажилдаа орохгүйгээр, гэртээ байхыг зөвлөх,
     
  11. Сургуулийн байранд орохдоо хүүхдүүд гараа ариутгалын бодисоор ариутгах, хөлөө ариутгалын бодис шингээсэн алчуурт арчих зэрэг арга хэмжээг авч байгаа юм байна.

Эх сурвалж: Боловсрол, соёл, шинжлэх ухаан, спортын яам

Сэтгэгдэл (0)
love
haha
wow
angry
sad
Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.