Өнгөт арьст эрийг хөнөөсөн Миннеаполис хотод онц байдал зарлалаа

2020 оны 05 сарын 30

Цагдаа нар зэвсэггүй өнгөт арьст Жорж Флойдыг сэжигтэн хэмээн баривчилж байхдаа хүзүүн дээр нь хэт чанга, удаан өвдөглөснөөс болж амийг нь хөнөөсөн хэрэг энэ долоо хоногт гарсан. Уг хэрэгтэйгээр холбоотойгоор АНУ-ын хэд хэдэн хотод эсэргүүцлийн жагсаал үргэлжлээд байгаа юм. 

Миннеаполис хотод эсэргүүцлийн үйл явц хяналтаас гарч, зарим жагсагчид хэд хэдэн дэлгүүрийн цонх, хаалгыг эвдэн орж, барааг нь тоносон хэрэг гарсан. Иймд тус мужийн нийслэл захирагч Брайн Кэмп онц байдал зарлаж, Үндэсний Гвардын 500 орчим цэргийг нэмэлтээр байрлуулахаар болжээ. 

Өнгөт арьст эрийг үхэлд хүргэсэн цагдаагийн офицер Дерек Шовины эхнэр ар гэрийнхэнд нь эмгэнэл илэрхийлж, харамсаж буйгаа илэрхийлсэн байна. Офицерын эхнэр нөхрөөсөө салах хүсэлтээ ч байгаагаа дуулгаж, өргөдлөө өгчээ. Тус улсад үүсээд буй нөхцөл байдалтай холбогдуулан Африк гаралтай америкчуудын эрхийн төлөө тэмцэгч агсан Мартин Лютер Кингийн охин Бернис Кинг хүчирхийллийг хүчирхийллээр шийдэж болохгүйг онцлон анхааруулж, уриалга гаргасан байна. 
 

Сэтгэгдэл (0)
love
haha
wow
angry
sad
Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.