Сиамын ихрүүдийг амжилттай салгажээ

2020 оны 07 сарын 10

Эрвина, Префина Бангало хоёр төрсөн өдрөө ердийн хүүхдүүд шиг баярлан тэмдэглэж, бие биеийнхээ царайг анх удаа харлаа. Охид эхээс төрөхдөө ар дагзаараа нийлэн ургасан сиамын ихрүүд байжээ. Хоёр жилийн дотор тэднийг салгах гурван удаагийн хүнд мэс засалд орж байв. 

Охид 2018 оны зургадугаар сард Төв Африкийн оронд төржээ. Тэдний эх оронд ийм мэс засал хийх боломжгүй. Харин тэдэнд аз тохиожээ. Охидыг салгах хагалгаа хийсэн Ватиканы "Бамбино Жезу" хүүхдийн эмнэлгийн мэдрэлийн тасгийн эхлэгч Карло Маррас " Тархины эд эсийг гэмтээхгүйгээр гавлын ясыг салгахад нарийн ажиллагаа шаардлаа” хэмээн ярилаа. Ватиканы эмнэлэгт хийгдсэн мэс  засал 18 цаг үргэлжилсэн юм. Үүнтэй зэрэгцээд мэс засал нийгэмд бас элдэв маргаан дагуулж байна. Учир нь эмнэлгийн сангаас уг мэс засалд нэг сая евро зарцуулжээ. Олон хүн тэр их мөнгийг арай бага эрсдэлтэй олон хүүхдийн мэс засалд зориулж болох байсан хэмээн шүүмжилж байгаа юм.

Сэтгэгдэл (0)
love
haha
wow
angry
sad
Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.