Эдгар Алан Погийн ер бусын, нууцлаг амьдрал

2020 оны 07 сарын 28

Агуу суут хүмүүс үхсэнийхээ л дараа өөрсдийн хүртэх эрхтэй байсан нэр алдрыг хүртдэг. Тэдний нэг бол Эдгар Алан По юм. Түүнийг амьд ахуйд нь суут зохиолч хэмээн өндөрт өргөмжилж байсан явдал үгүй ч нас барсных нь дараа жинхэнэ агуу зохиолч байж дээ хэмээн хүн төрөлхтөн ухаарсан мэт. Бидний сайн мэдэх Алтан цох, Хэрээ зэрэг зохиолыг бичсэн Эдгар Алан Погийн хувийн амьдрал, хүүхэд насных нь тухай тэр бүр мэдээлэл байдаггүй. Энэ удаа ЗӨВ.МН зохиолчийг хувь хүн талаас нь өгүүлэх мэдээллийг бэлтгэлээ.

1. Эдгар 2 насандаа өнчирч хоцорсон.

Зохиолчийг мэндэлсний дараа эцэг нь ядуу тарчиг байдлаасаа болоод гэр бүл болон ажил төрлөө орхиж одсон юм. Үүний дараагийн жил эх нь сүрьеэ өвчнөөр нас барсан бөгөөд Эдгарыг нэгэн баян худалдаачин үрчилж авсан нь Жон Алан байсан юм. Эдгар Алан По гэдэг нэр нь ийм учиртай.

 

Edgar Allan Poe’s Life Was More Mysterious Than the Stories He Wrote, and Here’s Why

2.Яруу найргаар мөнгө олох боломжгүй байсан учир цэрэгт элсжээ.

18 нас хүрэх үедээ зохиолч, сэтгүүлч зэрэг олон ажил хийдэг байсан ч өөрийгөө тэжээж ч чадахгүй байлаа. Tamerlane and Other Poems нэртэй номоо хэвлүүлсэн ч амжилтыг эс олов. Цалингаас цалингийн хооронд хоосон явж залхсаар цэрэгт элсэв. Офицер цолонд хүрч, өмнө авдаг байснаасаа 2 дахин их орлоготой болжээ.

3. Өргөмөл эцэгтэйгээ муудалцаж, гэрээсээ хөөгдөв.

Өөрт нь огт баярлаж талархсан шинжгүй, гэр бүлдээ зориулах хайр халамж огт байхгүй хэмээн Эдгарыг өргөмөл аав нь дүгнэжээ. Жон Алан үхэхийнхээ өмнө ч өргөмөл хүүтэйгээ уулзахыг хүссэнгүй.

 

Virginia Eliza Clemm Poe - Truth About Edgar Allan Poe Wife & Her ...

4. 27 насандаа 13 настай үеэлтэйгээ гэрлэв.

Өргөмөл эцэгтээ хөөгдсөнийхөө дараа Мариа Клем нагацындаа нүүж очив. Түүний яруу найраг амжилт олж, уншдаг хүмүүс бага зэрэг нэмэгджээ. Эдгар хэвлэх үйлдвэрт редактороор ажиллаж байлаа. 1836 онд тэрээр өөрийн 13 настай үеэлтэйгээ гэрлэх болсноо нийтэд зарласан юм. Түүний нялх эхнэр 24 насандаа өөд болжээ.

 

THE RAVEN - Edgar Allan Poe - YouTube

5.Хамгийн алдартай гэгдэх ''Хэрээ'' шүлгийнхээ хөлсөнд 9-хөн доллар авжээ.

Түүний хамгийн алдартай яруу найргийн нэг болох ''Хэрээ'' шүлгээ 1500 хувилан зарсан бөгөөд олсон 150$-оосоо ердөө 9 долларыг нь авчээ. Үлдсэнийг нь хэвлэлийн компани авсан байна.

 

Edgar Allan Poe and His Tumultuous Romances (U.S. National Park ...

6. Хоёр ч бүсгүйд гэрлэх санал тавив.

Бэлэвсэрч үлдсэн яруу найрагч бүсгүй Сара Хелентэй хайр сэтгэлийн холбоотой болж, гэрлэхээр төлөвлөсөн байсан ч 2 өдрийн дараа л гэхэд өөр нэгэн өсвөр насны охины ардаас гүйж яваад гэр бүлийн амьдралаа бусниулж орхижээ. 

 

Edgar Allan Poe’s Life Was More Mysterious Than the Stories He Wrote, and Here’s Why

7. Түүний үхлийн шалтгаан одоо ч нууц хэвээрээ.

Өсвөр насны хайртдаа зүрх сэтгэлээ илчилснээсээ хойш ердөө 2 долоо хоногийн дараа учир битүүлгээр нас барсан. Амиа хорлолт, аллага, холер өвчин, галзуу өвчин, тахал аль нь байсныг хэн ч мэдэхгүй. 

Эх сурвалж: ЗӨВ.МН

Сэтгэгдэл (0)
love
haha
wow
angry
sad
Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.