Л.Мөнхтүшиг:Тусгаарлах байрны бололцоог харгалзан дараа сард нэмэлт 2-3 нислэг хийж магадгүй

2020 оны 07 сарын 29

Улсын Онцгой комиссын Шуурхай штаб цаг үеийн асуудлаар мэдээлэл хийж байна. 

Монгол Улсын Засгийн газрын өнөөдрийн хуралдаанаар цар тахлаас урьдчилан сэргийлэх өндөржүүлсэн бэлэн байдлын зэрэгт шилжүүлсэн хугацааг наймдугаар сарын 31-нийг дуустал үргэлжлүүлэхээр шийдвэрлэсэн билээ. 

Наймдугаар сард 14 удаа захиалгат нислэг үйлдэн, 3500 орчим иргэнийг татаж авахаар Улсын онцгой комисс шийдвэрлэсэн.

1. БНСУ Сөүл 2020.08.01
2. АНУ Сиатлл 2020.08.05
3. БНЭУ Шинэ Дели/Ханой 2020.08.06
4. Япон Токио 2020.08.07
5. ХБНГУ Франкфурт 2020.08.08
6. БНЧУ Прага 2020.08.10
7. БНСУ Сөүл 2020.08.14
8. БНСУ Сөүл /транзит/ 2020.08.15
9. БНТУ Истанбул 2020.08.20
10. ХБНГУ Франкфурт 2020.08.21
11. БНСУ Сөүл 2020.08.22
12. Япон Токио 2020.08.24
13. ХБНГУ Франкфурт 2020.08.26
14. Австрали Сидней /Австрали, Зүүн Өмнөд Ази/ 2020.08.27

ГХЯ-ны Консулын газрын захирал Л.Мөнхтүшиг "Наймдугаар сард найман чиглэлд 14 нислэг үйлдэж иргэдээ татан авах болсон талаар мэдээлсэн.

Зарим нислэгүүдийн талаар тодруулж мэдээлэл өгье. Олон улсын шилжилт хөдөлгөөний байгууллагын шугамаар Чех улсад байгаа нутаг буцах хүсэлт гаргасан 100 гаруй иргэнийн татаж авах Чехийн онгоцын хүлээж авах шийдвэрийг гаргасан. 170 хүний суудалтай тус онгоцоор ирэх 100 гаруй иргэдийн тийз болон ирээд 21 хоног тусгаарлагдах зардлыг Чех улсын Засгийн газраас гаргаж байгаа. Нэмээд Чех улсаас ирэх хүсэлтээ иргэдийг бүртгэж байна.

Наймдугаар сарын дундуур, сүүлээр нэмэлт нислэг хийх боломжийг дахин судлаад тухай бүрд нь мэдээлнэ.

Өнгөрсөн хугацаанд 15,018 иргэнийг 40 улсаас татаж авсан. Франкфуртын нислэгээр Африкт байсан цөөн тооны иргэдийг татаж аваад байна. Үүн дээр одоо 49 улсаас 12,000 гаруй иргэн нутаг буцах хүсэлтээ гаргаад байгаа учраас өргөдөл гаргасан дарааллаар нь ил тод мэдээлж байгаа

Тусгаарлах байрны нөөц бололцоог харгалзан үзэж наймдугаар сард нэмэлт 2-3 нислэг хийж магадгүй. Танзани, Ботсвана, Мозамбик, Египет, Сейшелийн арлууд зэрэг Африкийн улсуудаас иргэдээ татан авсан. 

Өнөөдөр Сөүлээс зүүн өмнөд Азид байгаа иргэдээ татаж авна. Австрали зайтай учраас манай онгоц замдаа Филиппин улсын Сэбү арал дээр сумлагаа хийдэг. Үүнийг ашиглан Филиппин дэх иргэдээ татаж авна. Гадаадын авиа компанийн үнийн саналаас МИАТ-ынх хямд байдаг. " гэв.

Сэтгэгдэл (0)
love
haha
wow
angry
sad
Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.