Хүү нь ээжийнхээ амийг хохироогоод цонхоор үсэрсэн байж болзошгүй

2020 оны 08 сарын 04

Өчигдөр /2020.08.03/ оройн 21:48 цагийн орчимд Баянзүрх дүүргийн 26-р хороонд байршилтай “Саруул” хотхоны 115-р байрны зургаан давхарт гал гарсан тухай дуудлага НОБГ-т иржээ.  

Байр автомашины зогсоолын хангамж муу учир түргэн тусламжийн болон гал сөнөөгч машин яаралтай ирж байршихад хүндрэлтэй байсан байна.

Гал гарах үеэр 23  настай эрэгтэй Б  цонхоороо үсэрч, газар дээрээ нас барсан. 

Харин өнөөдөр Нийслэлийн Онцгой байдлын Ерөнхий газраас өгсөн мэдээллээр Гал гарсан байранд 46 настай, эмэгтэй Н  толгойноос  нь цус гарсан, хөл толгойг нь скочоор хүлсэн, нас барсан байдалтай олджээ.

Эх сурвалжийн мэдээллээр гадны нөлөөтэй   нас барсан эмэгтэй   Н -ийг төрсөн хүү Б гэр бүлийн таарамжгүй харилцааны улмаас амь насыг нь хохироож,  улмаар гэртээ гал тавин цонхоор үсэрсэн байж болзошгүй гэх таамаг байна. 

Хэргийг цагдаагийн байгууллага үргэлжлүүлэн шалгаж байна. 

Т.Номин 

Сэтгэгдэл (0)
love
haha
wow
angry
sad
Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.