Дэлхийн өнцөг булан бүрд Хятадaac учир битүүлэг, хоосон илгээмжүүд ирсээр байна

2020 оны 08 сарын 04

Танд нэг өдөр учир битүүлэг, хаанаас ирсэн нь тодорхойгүй илгээмж ирвэл та яах вэ? Задлаад үзтэл дотор нь юу ч байхгүй, буцах хаяггүй илгээмж. Эсвэл дотор нь нэг уут үр тариа байж болох юм. Тэгвэл та айж сандарч, цагдаагийн газар мэдэгдэх үү? Доорх хүмүүст уг явдал тохиолдсон бөгөөд тэд ч мөн адил хариу үйлдэл гаргаж, цагдаагийн газарт гомдол гаргажээ. 

Долдугаар сарын сүүлээр АНУ-ын иргэд захиалаагүй, учир битүүлэг илгээмж хүлээн авлаа хэмээн цагдаагийн газарт гомдол гаргах нь ихэсжээ. Хятадаас илгээсэн уг илгээмжид жижиг гялгар уутнуудад төрөл бүрийн үр хийж явуулжээ. 

Японы Канагавагийн оршин суугчид хаяг дээр нь Хятадаас илгээмж ирээд байна хэмээн мөн гомдол мэдүүлсэн байна. Хэсэг хугацааны дараа Японы өөр хотуудад ч ийм төрлийн илгээмжүүд авах болсон бөгөөд тэдгээр уутан дээр гоёл чимэглэл болон тоглоом байгаа гэж хаягласан байжээ. Гэвч тэнд олон төрлийн хар болон цагаан өнгийн үрүүд байсан юм. 

Unsolicited packages of seeds have appeared in the mailboxes of people in the US and Canada | Photo via Twitter

Канадад ч гэсэн адил төстэй үрүүдийг илгээмж хэлбэрээр хүмүүсрүү явуулсаар байгаа бөгөөд албаныхан үрүүдийг лабораторид шинжилж,ямар төрлийн, юуны үр болохыг мэдэхээс нааш илгээмжээ хаялгүй байж, сав баглаа, шошгыг нь оролдохгүйгээр хадгалж байхыг хүсжээ. Уг Үр тариануудыг тарьж огтхон ч болохгүй хэмээн сануулсан байна. 

 

Unordered empty package from Kyrgyzstan.

Уг үйл явдалтай төстэй зүйл 2019 оны аравдугаар сард тохиолдож байжээ. АНУ-ын Мичиган мужийн оршин суугч Лиза Клебба нэгэн өдөр Киргизстанаас ирсэн илгээмж хүлээж авсан бөгөөд задлаад үзтэл дотор нь юу ч байхгүй байв. AliExpress сайтаас захиалж байсан илгээмжүүдтэй нь ижил сав баглаатай байсан тул Киргизстанаар дамжин Хятадаас ирсэн хэмээн таамагласан байна. 

 

Үл мэдэгдэх илгээмжүүд дотор заримдаа зүрхэн хэлбэртэй жижиг хуванцрууд, үсний боолт, үр тариа зэрэг зүйлс байдаг. Харин зарим тохиолдолд дотор нь юу ч байдаггүй ажээ. Уг илгээмжүүдийг хэн, ямар зорилгоор, яагаад явуулдгийн нууцыг одоо болтол илрүүлж чадаагүй байна.

Зарим мэргэжилтнүүд онлайн дэлгүүр ажиллуулдаг хүмүүс хуурамч хаягаас өөрийн дэлгүүртээ захиалга үүсгэж, уг хаягруу хоосон илгээмж явуулсныхаа дараа тэр хаягаасаа өөртөө үнэлгээ өгч, дэлгүүрийн нэр хүндээ өсгөдөг гэсэн санаа дэвшүүлээд байгаа юм. Гэсэн ч хуурамч захиалга үүсгэхийн тулд жинхэнэ хаяг хэрэгтэй ба уг хаягуудыг худалдаалагч нар хэрхэн олж авсан нь тодорхой бус байна. Мэдээж хэн нэгний хаягийг нууцаар олж авч, өөрийн хувийн орлогоо нэмэгдүүлэхийн төлөө ашиглана гэдэг хууль бус хэрэг. 

Эх сурвалж: ЗӨВ.МН

Сэтгэгдэл (0)
love
haha
wow
angry
sad
Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.