Шанелийн шинэ нүүр царай: ''Өвөрмөц'' төрхтэй модель Молли Блейр

2020 оны 08 сарын 04

Загварын чиг хандлага бидний амьдралаас үргэлж нэг алхмын түрүүнд явдаг. Эмэгтэй хүний нэр хүндийн илэрхийлэл, гоо үзэсгэлэнгийн бэлгэдэл болсон Шанель брэндийн загварын шоуны босгыг шилдгийн шилдэг загвар өмсөгчид давж, оролцдог. Тэгвэл энэ жилийн босго арай намдсан уу, эсвэл гоо сайхан, үзэсгэлэнтэй эмэгтэйн ойлголт өөрчлөгдсөн үү, энэ жилийн загварын шоунд нэгэн өвөрмөц төрхтэй модель оролцож, шуугиан дэгдээгээд буй юм.

 

АНУ-ын Пенсилвани мужаас гаралтай өдгөө ердөө 17 настай Молли Блейр загварын ертөнцийн ''шинэкoв'' биш бөгөөд өмнө нь тэрбээр Maison Margiela, Marc Jacobs Fendi зэрэг томоохон брэндүүдтэй хамтран ажиллаж, сурталчилгаанд тоглож байжээ.

 


Шанелийн загварын шоу цацагдсаны дараа Моллиг интернетээр ''харх'', ''харь гарагийн хүн'',''Бөгжний эзэн'' киноны Голумтай адилхан хэмээн хүмүүс шуугилдан ''доромжлоод'' авчээ. Гэсэн ч бүсгүй өөрийн өвөрмөц төрхдөө ихэд сэтгэл хангалуун байдаг гэнэ.

 

Шанелийн загварын тайзан дээр гарсны дараа надад загварын шоунд оролцох саналууд маш ихээр ирэх болсон. Туранхай, дэлдэн чихтэй, өтгөн хөмсөгтэй охид загварын ертөнцөд ийм их ''эрэлттэй'' байдаг гэж би өмнө нь төсөөлөө ч үгүй явжээ. хэмээн ярьсан байдаг.

ЗӨВ.МН

Сэтгэгдэл (0)
love
haha
wow
angry
sad
Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.