Сайд асан З.Баянсэлэнгийн холбогдсон 900 сая төгрөгийн хэргийг прокурорт шилжүүлжээ

: 108 өдрийн өмнө / 2018-01-08 12:15:49

Барилга хот байгуулалтын сайдаар 2014-2016 онд ажилласан З.Баянсэлэнгийг Авлигатай тэмцэх газраас албан тушаалаа урвуулан ашигласан. Улсад мөнгөн хохирол учруулсан гэх үндэслэлээр хэрэг үүсгэн багагүй хугацаанд шалгажээ.

Уг хэргийг шалгаж дуусаад прокурорын байгууллагад З.Баянсэлэнгэ нарт холбогдох хэргийг шилжүүлсэн байна. Уг хэрэг нь З.Баянсэлэнгэ нь Барилга хот байгуулалтын сайдаар ажиллаж байхдаа Засгийн газрын хэрэгжүүлсэн Түрээсийн орон сууц хөтөлбөрийн хүрээнд ашиглалтад ороогүй 223 айлын орон сууцыг улсад худалдан авсан. Ингэхдээ дундаас нь мөнгө завшсан байж болзошгүй гэх үндэслэлээр шалгаж, прокурорт хэргийг шийдүүлэхээр өгсөн байна.

Зарим эх сурвалжийн хэлж байгаагаар бол Бэрэн группийн барьсан Сүхбаатар дүүргийн нутаг дэвсгэрт байрлах Хангай хотхоны 223 айлын орон сууцыг Барилга хот байгуулалтын сайд асан З.Баянсэлэнгэ нь шийдвэр гарган улсад худалдан авч, түрээсийн орон сууц хэлбэрээр ашиглах болсон байна.

Бэрэн группийн барьж байсан уг байрнаас улсын худалдан авсан 223 айлын орон сууц нь өнөөдөр бүрэн ашиглалтад орсон. Түрээслэгч нар нь байрандаа орсон юм. Ч.Сайханбилэгийн засгийн газрын хэрэгжүүлсэн түрээсийн орон сууц хөтөлбөрийн хүрээнд нийслэл, аймаг сумдад 1500 айлын орон сууцыг уг зориулалтаар ашиглахаар болсон билээ.

Барилга хот байгуулалтын сайд асан З.Баянсэлэнгэ нь 223 орон сууцыг худалдан авахдаа 900 сая төгрөгийн хохирлыг улсад учруулаагүй гэж мэдэгдэж байгаа юм. Уг хэргийг шүүхэд шилжүүлэх эсэхийг прокурорын байгууллага эцэслэн шийдэх юм байна. 

 
Манай хуудсанд LIKE дарж нэгдэнэ үү

Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд Zuv.Mn сайт хариуцлага хүлээхгүй.

Сэтгэгдэл бичих ...
Оруулах
Болих
irgen
108 өдрийн өмнө / 62.167.114.16

tegeed hurdan hariuzlagiig ni tooz, ih zavaan amtan baina shdee

MAHN.
108 өдрийн өмнө / 27.123.212.132

Ee de? Enhbayraas l hol baij uzeeree zaluus mini? Shunal n duusahgui, hichneen saihan zaluusiig holdoo chirch b a oo?