Тусгай ажилтан Мерилин Монрог хөнөөснөө зарлалаа

: 190 өдрийн өмнө / 2018-01-09 12:10:47

 

АНУ-ын Виржиниа мужийн Норфолк дахь “Sentara General Hospital” эмнэлэгт үхлүүт байгаа Тагнуулын төв газрын ажилтан асан 78 настай Норманд Ходжес дуулиант мэдэгдэл хийсэн билээ. Тэрээр 1959-1972 оны хооронд ТТГ-ын 37 захиалгат аллагын гүйцэтгэгчээр ажилласнаа дэлгэсэн юм. Норманд Ходжес ТТГ-т 41 жилийн турш дээд түвшний тусгай мэргэжилтнээр ажиллажээ. Онц мэргэн буудагч, тулааны урлагийн мастер, тэсрэх бодис, хор хэрэглэх гойд чадвартай түүнийг ТТГ-аас гадна бусад тусгай албад ч АНУ-ын аюулгүй байдалд заналхийлсэн хүмүүсийг устгахад ашигладаг байсан гэнэ.
Тэрээр аллага бүхнээ тод санадаг, бүгдийг нь АНУ-ын газар нутагт үйлдсэн гэдгээ ч хэлжээ. Улс төрийн аллага үйлдэн АНУ даяар тэрс үзэлтнүүдийг устгах үүрэг бүхий таван гүйцэтгэгчтэй тусгай бүлгийн гишүүн байсан аж. Норманд Ходжес ихэвчлэн тэрс үзэлтнүүд, улс төрийн зүтгэлтнүүд, сэтгүүлчид, үйлдвэрчний эвлэлийн удирдагчдын аминд хүрдэг байсан ч АНУ-ын ашиг сонирхолд аюул учруулах үзэл бодолтой хэд хэдэн эрдэмтэн, урлагийн зүтгэлтнүүдийн аминд хүрснээ ч хэлжээ.
Түүний алсан цорын ганц эмэгтэй бол Холливудын алдарт жүжигчин Мерилин Монро аж. Дарга нар нь түүнд нэрт жүжигчин бүсгүйг АНУ-ын Ерөнхийлөгч Жон Кеннеди төдийгүй коммунист Кубын удирдагч Фидель Кастротой ч унтаж үндэсний аюулгүй байдалд ноцтой заналхийлж буй гэж тайлбарлан хэлсэн тул тэрээр устгах тушаалыг гүйцэтгэсэндээ харамсаагүй гэнэ.
Норманд Ходжес энэ тухай дурсахдаа, “Миний дарга Жимми Хейворт надад Мерилин Монрогийн үхэл амиа хорлосон юм уу, эм хэтрүүлэн хэрэглэсэн мэт харагдах ёстой гэж хэлсэн. Урьд нь би эмэгтэй хүн алж байгаагүй. Гэвч тушаал бол тушаал шүү дээ. Би тэр аллагыг Америкийн сайн сайхны төлөө хийсэн юм шүү! Учир нь тэр жүжигчин бүсгүй Америкийн стратегийн нууц мэдээллийг коммунистуудад дамжуулж болзошгүй байсан юм. Иймд тэр үхэх ёстой, би аллагыг үйлдэх ёстой байлаа” гэжээ.
Мерилин Монрог 1962 оны наймдугаар сарын 5-ны шөнийн нэг цагийн орчимд хороожээ. Норманд Ходжес түүнийг унтаж байхад өрөөнд нь нууцаар нэвтрээд наркозонд хэрэглэдэг нембуталтай хлоргидрат бодисыг их хэмжээгээр тарьсан аж.
Ийм мэдээлэл хийсэн Норманд Ходжес үхлүүт байгаа ч энэхүү мэдэгдлийнх нь дараа Холбооны мөрдөх товчооныхон хамгаалалтдаа аван дахин мэдээлэл хийхээс сэргийлж байна.

Норманд Ходжесын дарга Жимми Хейворт 2011 онд зүрхний шигдээс өвчнөөр нас баржээ. Таван алуурчнаас өөд болсон гурвынх нь нэрийг Норманд Ходжес дэлгэсэн ажээ.

Манай хуудсанд LIKE дарж нэгдэнэ үү

Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд Zuv.Mn сайт хариуцлага хүлээхгүй.

Сэтгэгдэл бичих ...
Оруулах
Болих
uheruud
189 өдрийн өмнө / 27.123.212.132

uu ene alba chini manaid l baimaar yum baina gehdee 5 hunii bureldhuuntei bish 500 eh oronchiig egneendee negtgesen baival zohino jaahan zaluuhan baisan bol bi dargaar ni ajillaad eh ornii yar tembuug undseer ni tseverleh bailaa daa

Зочин
190 өдрийн өмнө / 78.250.129.153

hohnee ah duu 2 toi yavaldsan muu yanhan

Зочин
190 өдрийн өмнө / 66.181.184.181

Аминд хүрэх биш, мэргэжлийн алуурчин гэхгүй юу даа.

????
190 өдрийн өмнө / 103.26.193.231

22,23 nasandaa alsan gesen vg yum baihdaa