С.Молор-Эрдэнийн “Тэгш эрх, тэгш боломж” ном худалдаанд гарлаа

: 246 өдрийн өмнө / 2018-04-12 11:49:04

Философи болон физикийн ухааны доктор С.Молор-Эрдэнэ “Тэгш эрх, тэгш боломж” шинэ номоо гаргалаа. “Санаа, сэтгэл, зохиол”, “Ертөнц, бодол, мэдлэг”, “Ухаан, ухамсар, эрдэм” цуврал гурван ном, “Монголчуудын хар хайрцагны бодлого”, “Монголын гэрээ”, “Чингисийн этик хэрэгтэй” зэрэг олон номоороо орчин үеийн танин мэдэхүйн асуудлыг хөндөж, “Хайрлах урлаг”, “Би хэн бэ”, “Байх ба хугацаа”, “Бий эсвэл байх”, “Бээжин хотоор гүйсээр” гэх мэт орчуулгын номуудаа шил дарааллан гаргасаар байгаа.

Харин энэ удаад тэрээр тэгш эрх болон тэгш боломж гэж юу болох талаар философидож, Монголын өнөөгийн нөхцөлд тэгш эрх гэж юуг хэлж болох, хэрхэн тэгш эрхтэй байх талаар уг номондоо бичжээ. Зохиолч өөрийн шинэ номын талаар “Аливаа нийгэм үнэхээр л нийгэм шиг байх гэвэл зөвхөн улстөр ярих ганцхан сэдэв байж боломгүй. Улстөртэй яг адил чухал эдийн засаг яах вэ, боловсрол яах вэ, эрүүл мэнд яах вэ? Энэ бүгд ямарч ялгаа байхгүй тэгш эрхтэй чухал сэдэвүүд биш үү. Ердөө л улстөрөн аж байдал ноёлох гэж үү? Тэгш эрх гэдэг бүгдийг тэгшлэх эсвэл адилтгах биш харин эрхийг адилтгах нэг үгээр хэлэхэд эрх чөлөөг адилтгах. Тэгш эрх улс орны үнэт зүйл болох ёстой атал бүгдээрээ адилхан боломжоор хангагдах ёстой байтал яагаад дээдэс, ноён, шадар гэх мэт хоцрогдсон ойлголтууд өнөөдөр хүртэл устсангүй вэ? Нийгэмд ялгаa байлгүй яах вэ. Гэхдээ энэ ялгаа нийгмийн тусын тулд үүссэн ялгаа байх л чухал. Эрх тэгш үгүй гэвэл эрх чөлөө үгүй. Хэсэг хүмүүс хэтэрхий их боломжтой харин олон хүмүүс хэтэрхий бага боломжтой байж болох уу? Яагаад?” гэжээ.

Номын нээлт дөрөвдүгээр сарын 13-ны өдрийн 18:30 цагт “Улаанбаатар зочид буудал”-ын зургадугаар давхарт болно. Нээлтийн үеэр “Шинэ цагийн үеийн шаардлага” сэдэвт лекц болох бөгөөд тасалбарыг шинэ ном дагалдах аж.
 
Манай хуудсанд LIKE дарж нэгдэнэ үү

Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд Zuv.Mn сайт хариуцлага хүлээхгүй.

Сэтгэгдэл бичих ...
Оруулах
Болих
irgen
246 өдрийн өмнө / 103.229.121.35

za bolj bnshuu avdag hereg ee