“Вагнер Ази” компани Хятад техникүүдэд Америк шошго нааж Монголчуудыг “хулхиддаг” уу

: 93 өдрийн өмнө / 2018-04-16 14:34:17

Будаач будаач гэхээр онгироод сахлаа будав гэдэг мэргэн үг бизнест ч бас хамааралтай ажээ. Барууны тэр дундаа америкийн хөрөнгө оруулалт, бизнес соёл, стандарт агуу гэж бүгд л ам уралдан магтдаг. Эсрэгээрээ олонхи монголчууд хятадын бүтээгдэхүүн чанаргүй, хулхи хэмээн бас л шүүмжилцгээдэг. Яг үнэндээ цаагуураа Америк, Хятад хоёр нийлээд  монголчуудын мөнгийг хулхидаж сэгсэрдэг байж болох баримтууд эхнээсээ олдож эхлэв  бололтой. Тодруулбал “Вагнер Ази Тоног Төхөөрөмж” ХХК Катерпилларын Монгол дахь дилер гэж явдаг.

Улмаар уг компани нь уул уурхай, барилга, дэд бүтэц, эрчим хүчний салбарын тоног төхөөрөмж нийлүүлж бүтээгдэхүүн дэмжих үйлчилгээ үзүүлдэг АНУ-ын 100 хувийн хөрөнгө оруулалттай компани http://www.wagnerasia.com/page/8

хэмээн өөрийнх нь сайтанд танилцуулга хэсэгт нь бичжээ. Чухам тэдний борлуулдаг cat хэмээх дэлхийн брэнд л монголчууд биднийг уул уурхайн баялгаа олзворлоход хамгийн найдвартай хэмээн итгэж өндөр үнээр худалдаж авсаар бараг хорь орчим жил болсон билээ.

Том, алдартай  брэндээс үнэ асуудаггүй юм гэдэг алтан зарчимаар монголын уул уурхайнхан гадаа гандаж хөдөө хөхөрч шороо ухаж олсон хэдэн төгрөгөө тушааж энэ брэндийг өдий олон жил авсан гэсэн үг. Харамсалтай нь монголчуудын энэ итгэл дээр “Вагнер Ази” компанийнхан тоглож хятадаас тоног төхөөрөмж оруулж ирэн Монголд Америк брэндийн үнээр зардаг байж болох баримт эхнээсээ олдож эхэлжээ.

Тухайлбал, монголын гаалиар “Вагнер Ази” компанийн оруулж ирсэн бүтээгдэхүүний гарал үүслийн жагсаалтанд бүгдийг нь БНХАУ-д үйлдвэрлэсэн хэмээн мэдүүлсэн баримт байгаа юм.

БНХАУд үйлдвэрлэсэн баримтыг хүснэгтээр харуулав

1523852564_19790 “Вагнер Ази” компани Хятад техниктүүдэд Америк шошго нааж Монголчуудыг “хулхиддаг” уу

1523852559_19791 “Вагнер Ази” компани Хятад техниктүүдэд Америк шошго нааж Монголчуудыг “хулхиддаг” уу

Энэ баримтанд байгаа 17 нэр төрлийн эксковаторыг бүгдэд хятадад үйлдвэрлэснэ хэмээн галийн бичигт бичжээ. Харин монголын хилээр орж ирсэний дараа америкийн 100 хувийн хөрөнгө оруулалттай “Вагнер Ази” компанийн  cat брэнд болж өндөр үнээр зарагдаж байж болзошгүйг үгүйсгэхгүй.

“Вагнер Ази” Групп компанийн гүйцэтгэх захирал Кэлвин Эндрив Каукинэн  “Бидний зорилго бол дээд зэргийн чанарыг харилцагч бүртээ хүргэж өнөөгийн эдийн засгийн эдгээр чухал салбарын өсөлт хөгжилд хувь нэмэр оруулах явдал юм” хэмээн тодорхойлёон байдаг. Гэтэл бодит амьдрал дээрээ хятад техникэнд сайн брэндийн шошго нааж зарж байгаа гэх хардлыг баттай төрүүлж байна.

1523852577_19796 “Вагнер Ази” компани Хятад техниктүүдэд Америк шошго нааж Монголчуудыг “хулхиддаг” уу

Монголын наймаачид оруулж ирсэн бараагаа нарантуул дээр хямдаар, нөгөө хэсгийг нь хотын төв, хорооллын дэлгүүрүүдээр брэндийн үнээр зарж ашиг олдог шиг ёс зүйгүй маркетинг энэ компанид байдаг юм биш биз. Үнэхээр ийм бол монголын уул уурхайчид хятад техникийг cat гэсэн гоёмсог шошготой нь өндөр үнээр биш хятад бичигтэй нь хямд үнээр оруулж ирж ашиглавал хохирохгүй санагдана.

Ямартай ч “Вагнер Ази” компани дээрх гарал үүслийн жагсаалтанд БНХАУ-д үйлдвэрлэсэн гэх мэдүүлгээ тайлбарлах биз.  Мөн бид энэ талаар нэхэн сурвалжлах болно.

Эх сурвалж: Bolod.mn

Манай хуудсанд LIKE дарж нэгдэнэ үү

Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд Zuv.Mn сайт хариуцлага хүлээхгүй.

Сэтгэгдэл бичих ...
Оруулах
Болих
ф
92 өдрийн өмнө / 64.119.17.32

ХЯТАДЫН DONGFENG -Д ЗАХИАЛГААР ХИЙЛГЭЭД БОЛОО. ЯГ МАНАЙ НОМИНГИЙН MONEL ШИГ КККК.

Зочин
93 өдрийн өмнө / 202.21.113.82

Одоо л мэдэж байгаа юм уу?

Зочин
93 өдрийн өмнө / 118.33.222.183

Whaha buh l zuiliig hyatadad uildwerledeg cjinii maajaad suuj bgaa Iphone ch mon adil hyatadad uildwerledeg tend tuuhii ed hyamd ajillah huch hyamd exportiin tatvar hyamd tged guitsee haa baisan Saab hyatadad uildwerledeg geed boddo