Дэр мод ялзарч муудсаны улмаас вагон замаасаа гарсан осол боллоо

: 124 өдрийн өмнө / 2018-05-19 12:54:18

Энэ сарын 17-ны өдөр буюу уржигдар ОХУ, БНХАУ хооронд экспортын үр тариа тээвэрлэж явсан ачааны галт тэргийг  "Дархан-1" өртөөний замаар хүлээн авч  байх явцад  вагон замаас гарсан осол гарчээ. Ослын улмаас хүний амь нас, эрүүл мэнд хохироогүй гэж эх сурвалжууд мэдээллээ.

Ослын газар дээр  УБТЗ-ын дарга Д.Жигжиднямаа, Зам тээвэр, хөгжлийн дэд сайд Б.Цогтгэрэл болон албадын дарга нар ажиллаж, Улаанбаатар хотоос сэргээн босгох галт тэрэг очин ажиллаж байна. Ослын шалтгаан нь төмөр замын дэр мод ялзарч муудсанаас вагон замаасаа гарсан байна гэсэн дүгнэлт гараад байгаа аж.

2012 онд Байгаль орчны сайдын тушаалаар төмөр замын дэр мод бэлтгэхийг хориглосны улмаас дэр модыг солих ажил олон жил удааширсан байна.  2016 онд уг асуудлыг Байгаль орчны сайдад тавьж хоригийг цуцлуулж хугацаа дууссан дэр модыг сольж байгаа ч өнөөдөр 300 гаруй мянган дэр модыг солих шаардлагатай байгаа аж. 2012 онд дэр мод бэлтгэхийг хориглосон Байгаль орчны сайдын тушаал гарахаас өмнө УБТЗ жилдээ 200 мянга шахам дэр мод бэлтгэж сольдог байсан бөгөөд үүний 100 орчим мянгыг 330 гаруй ажилчинтай дэр мод боловсруулах үйлдвэр гүйцэтгэж байсныг зогсоосны улмаас 270 гаруй хүн ажилгүй болж галт тэрэгний хөдөлгөөний аюулгүй байдал алдагдаж эхэлсэн байна. Мөн дэр мод боловсруулах үйлдвэр нь жилдээ 500-600 мянган суулгац мод үржүүлэн ойд тарьж ургуулдаг байсан ажил ч зогсоход хүрч, нэг мод огтолсон бол 10 мод суулгадаг төмөр замчдын уриа алдагдахад хүрчээ. УБТЗ замаа бетон дэрээр солих ажлыг эрчимтэй хийж байгаа ч манай улсын эдийн засгийн бололцоо, эрс тэс уур амьсгал, газар орны нөхцөлөөс шалтгаалж модон дэрээр солих шаардлагатай байдаг байна.
 
Манай хуудсанд LIKE дарж нэгдэнэ үү

Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд Zuv.Mn сайт хариуцлага хүлээхгүй.

Сэтгэгдэл бичих ...
Оруулах
Болих
Бетон
123 өдрийн өмнө / 150.129.143.94

Бетон дэрээр солих хэрэгтэй. Хувийн хэвшлийнхэн бетон дэр хийхэд бэлэн байна. МАК-н цементийн үйлдвэрийн дэргэд.

Зочин
124 өдрийн өмнө / 64.119.25.227

UULZVARUUDAD MODON DER