Ерөнхийлөгч Х.Баттулга АТГ-ын даргыг чөлөөлөх асуудлаар ээлжит бус чуулган хуралдуулахыг шаардлаа

: 32 өдрийн өмнө / 2018-07-18 11:08:10

Монгол Улсын Ерөнхийлөгч Х.Баттулга өнөөдөр УИХ-ын дарга М.Энхболдод ээлжит бус чуулган зарлан хуралдуулах тухай албан бичиг илгээлээ.

Ээлжит бус чуулганыг зарлан хуралдуулах тухай албан бичигт: “Улсын Их Хурлын нэр бүхий 26 гишүүн “төрийн албыг арилжаалсан “60 тэрбумын” зэрэг авлига, албан тушаалын томоохон асуудлууд Авлигатай тэмцэх газарт очоод замхран дарагддаг, тус газрын дарга Х.Энхжаргал авлигатай тэмцэх үүрэг бүхий төрийн тусгай байгууллагын хуульд заасан чиг үүргийг хэрэгжүүлэн ажиллаж чадахгүй байгаа тул цаашид уг албан тушаалыг хаших боломжгүй гэж үзэн Монгол Улсын Их Хурлын 2016 оны 07 дугаар сарын 08-ны өдрийн 07 дугаар тогтоолыг хүчингүй болгох асуудлаар Улсын Их Хурлын ээлжит бус чуулганыг зарлан хуралдуулах шаардлага” бүхий албан бичгийг 2018 оны 07 дугаар сарын 10-ны өдөр ирүүллээ.

Миний бие ард иргэдийнхээ санал, хүсэлт, шаардлагыг сонсон, анхаарч шийдвэрлэвэл зохих асуудлуудад төрийн бодлогыг хандуулах зорилгоор нийслэлийн болон орон нутгийн иргэдтэй тухайлан очиж уулзсан.

Уулзалтын үеэр иргэд хувийн амьдралын хүндрэл бэрхшээлээсээ илүүтэй нийгэмд шударга ёс алдагдаж, авлига, хүнд суртал гаарсныг хөндөн, энэ гажуудлыг таслан зогсоож тэмцэх чиг үүрэгтэй төрийн байгууллага маш муу ажиллаж байгааг шүүмжилж, Авлигатай тэмцэх газрын удирдлагуудыг солин, үйл ажиллагааг нь эрчимжүүлж, үр дүнтэй шударга ажиллуулах шаардлага тавьж байгааг Улсын Их Хуралд уламжлан, бүрэн эрхийнх нь хугацаа дуусгавар болсон Х.Энхжаргал, Ц.Нямдорж нарыг сольж, орных нь хүнийг томилох саналаа хуулийн дагуу хүргүүлсэн боловч хууль зөрчин хаацайлсаар өнөөг хүрч байна.

Х.Энхжаргал, Ц.Нямдорж нарын ажиллах хугацаанд авлигатай тэмцэх үйл ажиллагаанд гарсан ахиц дэвшил, өмнө хүрсэн амжилт эрс буурч, үйл ажиллагаа нь жилээс жилд уруудан, энэ байгууллагад итгэх олон нийтийн итгэл үгүй болсныг иргэдийн эсэргүүцэл шүүмжлэлээс гадна олон улсын байгууллагын судалгаа дүгнэлт бүрэн харуулсан. Үүнтэй Улсын Их Хурлын гишүүд санал нэгдэж ээлжит бус чуулганаар тусгайлан хэлэлцэх санал гаргаж байгааг дэмжих нь зүйтэй юм.

Иймд Монгол Улсын Үндсэн хуулийн Хорин долдугаар зүйлийн 3, Монгол Улсын Ерөнхийлөгчийн тухай хуулийн 12 дугаар зүйлийн 1, Монгол Улсын Их Хурлын тухай хуулийн 16 дугаар зүйлийн 16.3 дахь хэсэгт тус тус заасны дагуу Улсын Их Хурлын гишүүдийн санал болгон шаардаж буй дээрх асуудлаар Улсын Их Хурлын ээлжит бус чуулганыг зарлан хуралдуулах хойшлуулшгүй шаардлага байна гэж үзэн өөрийн саналыг үүгээр хүргүүлж байна.

Судлан үзэж, хуулийн дагуу шийдвэрлэнэ үү” гэжээ.
Манай хуудсанд LIKE дарж нэгдэнэ үү

Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд Zuv.Mn сайт хариуцлага хүлээхгүй.

Сэтгэгдэл бичих ...
Оруулах
Болих
зочин
30 өдрийн өмнө / 202.131.238.150

Оюун-эрдэнэ, Хүрэлсүх, Ерөнхийлөгч 3 аргагүй л гар нийлж байгаа юм байна. Хийх юмаа олж ядан ЧИНГИС хамтлагийнхан уулзаж төрийн одонгоор шагнаад л .......малийтал инээлээд л .....

Зочин
31 өдрийн өмнө / 202.9.42.8

Оюунэрдэнэ , Ерөнхийлөгч Баттулга нар ч аргагүй л дуу дуугаа авалцан МАН ыг муухай харагдуулах 2020 оны сонгуульд унагах ажилдаа ханцуй шамлан орж байна даа. МАН ын залуучууд ихэнх нь Түгжил шүү дээ. Оюунэрдэнэ Доржзодов эвлүүлэгч херо Баатар нар АН с сонгуульд нэр дэвшинэ шүү гоё гоё...

Зочин
31 өдрийн өмнө / 66.181.186.175

Тэр аргагүй ээ.Мань эр төмөр замын хэрэгт шалгагдаад үнэнд шахагдах тун дөхсөн учир ерөнхийлөгч болж нэг юм мултарсан.Тэгсэн хирнээ хонзон нь хошногий нь загатнуулаад суулгахгүй байгаа юм.Авилгыг мань хүний харьяалагддаг намын гишүүд нь улам ихээр нэмэгдүүлснийг ганц хүн рүү чихээд байнаа даа.Доржзодов УИХ-ын мэдээллийн ажилтан байгаад урваж Баттулгын ивээлд очсон одоо бүүр томорч Оюунэрдэнэ гишүүнийг шарвуулжээ гэмээр

Зочин
31 өдрийн өмнө / 193.156.105.153

Uchir ni ter darga ni nuguu luivarchin Bayariig dailj tsailsan bichleg bna lee. Argagui l dee.

зочин
31 өдрийн өмнө / 202.131.238.150

Ерөнхийлөгчийн ТОЛГОЙД яагаад хор хавдар шиг АТГ бодогдоод зүүдлэгдээд ажлаа хүртэл хийж чадахгүй байна аа