Байгууламж доторх хамгийн том цанын баазыг Шанхайд нээнэ

: 9 өдрийн өмнө / 2018-09-13 10:02:05

Арабын Нэгдсэн Эмират улсын “Majid Al Futtaim” компани байгууламж дотор байрлах хамгийн том цанын баазыг Шанхайд байгуулах төсөлд оролцохоор төлөвлөж байна.

“Wintastar Shanghai” гэх энэхүү байгууламж нь 90 мянган ам метр талбайтай. Өөрөөр хэлбэл энэ нь 2005 онд Дубайд нээлтээ хийсэн “Ski Dubai” цанын баазаас гурав дахин том хэмжээтэй гэсэн үг ажээ.

2005 онд Дубайд нээлтээ хийсэн “Ski Dubai” цанын баазаас гурав дахин том хэмжээтэй

Түүнчлэн байгууламж дотор цанаас гадна 25 өөр төрлийн спортоор хичээллэх боломжтой юм байна.

“Majid Al Futtaim” компани Африк тивийн хувьд анхны гэж тооцогдох байгууламж доторх цанын бааз “Ski Egypt”-ийг барьж, 2017 онд ашиглалтад оруулж байсан туршлагатай юм.

Үүнээс гадна БНХАУ-ын 1.3 тэрбум хүн амын ердөө нэг хүрэхгүй хувь нь буюу 12.1 сая хүн цанаар гулгаж үзсэн гэх баримт байдаг. Тиймээс тус улсын Засгийн газар ирэх жилүүдэд мөсөн гулгуурын 600 орчим талбай барьж, хувийн салбарыг дэмжин 2025 он гэхэд өвлийн спортоор хичээллэдэг хүмүүсийн тоог 300 саяд хүргэх зорилт тавиад байгаа юм байна.
Манай хуудсанд LIKE дарж нэгдэнэ үү

Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд Zuv.Mn сайт хариуцлага хүлээхгүй.

Сэтгэгдэл бичих ...
Оруулах
Болих