Майкл Жордан хар салхинд өртөн хохирсон хүмүүст 2 сая ам.доллар хандивлажээ

: 34 өдрийн өмнө / 2018-09-19 15:08:08

Америкийн нэрт сагсан бөмбөгч Майкл Жордан “Флоренс” хар салхинд өртөн хохирсон хүмүүст туслах санд 2 сая ам.доллар хандивласан тухай “Associated Press” агентлаг мэдээллээ. Хар салхины улмаас 30 хүн амиа алдсанаас Хойд Каролина муж улсад 24 хүн амь үрэгджээ.

М.Жордан Нью-Йорк хотод төрсөн бөгөөд түүнийг нялх байхад гэр бүл нь Хойд Каролина муж улсын Уилмингтон хотод нүүж ирсэн байна. Жорданы ярьснаар, түүний гэр бүлийнхний зарим хүмүүс, найз нөхөд нь өнөөг хүртэл Хойд Каролина муж улсад адамьдарч байгаа аж.

Тэрбээр Америкийн Улаан загалмайн нийгэмлэгийн салбар болон Гамшигт нэрвэгдсэн хүмүүст туслах сангийн дансанд тус бүр 1 сая ам.доллар шилжүүлжээ. Жордан “Associated Press” агентлагт ярилцлага өгөхдөө “Энэ нутаг бол төрсөн гэр орон учраас ямар нэгэн зүйл хийх ёстой гэдгийг би мэдэрсэн” гэжээ.
Манай хуудсанд LIKE дарж нэгдэнэ үү

Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд Zuv.Mn сайт хариуцлага хүлээхгүй.

Сэтгэгдэл бичих ...
Оруулах
Болих