МЭХ-ны тэргүүнийг сонгох мандатын тоог нэмэгдүүлэхийг шаардлаа

: 69 өдрийн өмнө / 2018-10-09 16:38:59

94 жилийн түүхтэй Монголын Эмэгтэйчүүдийн Холбоо энэ сарын 12-ны өдөр холбооны удирдлагаа сонгох гэж буй. Монгол улсын нийт  хүн амын буюу 3,2 сая иргэний 53 хувийг эмэгтэйчүүд эзэлдэг. 21 аймаг, 330 суманд амьдарч буй 1 сая 700 гаруй мянган иргэний мөн л 50 гаруй хувь нь эмэгтэйчүүд. 

Гэтэл 1 сая 600 мянган эмэгтэйчүүдийн эрх ашгийг хамгаалах, дуу хоолой нь болох учиртай Монголын Эмэгтэйчүүдийн Холбооны Ерөнхийлөгчийг 160-хан хүнээр буюу 0,009 хувь нь сонгох гэж байгаа явдал шударга биш хэмээн Монголын Эмэгтэйчүүдийн Холбоог нээлттэй болгох түр хорооноос шаардлага хүргүүллээ. 

Үндсэндээ тэдний шаардлага Монголын Эмэгтэйчүүдийн Холбооны гишүүн байгууллага гэх 43 төрийн бус байгууллага, 5 команийн төлөөлөл болсон 160-хан хүн 1 сая 600 мянган эмэгтэйчүүдийг төлөөлж чадахгүй гэж үзэж байгаа юм. 

Өнгөрсөн жилүүдэд Монголын Эмэгтэйчүүдийн Холбооны үйл ажиллагаа улам бүр хумигдаж, эрх ашгийг нь хамгаалах үндсэн зорилгоо умартаж, эмэгтэйчүүдийн өмнө энэ байгууллагын үүд хаалга хаалттай болсон гэдгийг мөн хэлж байна. 

Өөрсдийн эрх ашгийн төлөө бус Монголын нийт эмэгтэйчүүдийн өмнөөс тэднийг төлөөлөх тэргүүнээ сонгохдоо шударга байж эгэл жирийн эмэгтэйчүүдийг төлөөлөл болгон нэмж оруулцуулахыг тэд шаардлаа.



Манай хуудсанд LIKE дарж нэгдэнэ үү

Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд Zuv.Mn сайт хариуцлага хүлээхгүй.

Сэтгэгдэл бичих ...
Оруулах
Болих
лам
68 өдрийн өмнө / 202.9.43.209

наад эрдэнэчимэг гэж нэг өмхий бөгсийг одоо хөөж явуулаач ээ хүүхнүүд ээ