Робот мэдээ уншина

: 37 өдрийн өмнө / 2018-11-09 14:28:20

Хятадын төрийн өмчит мэдээллийн агентлаг Синьхуа хиймэл оюун ухаан ашиглан роботоор мэдээгээ уншуулах болсноо зарлажээ. Энэхүү шинэ технологийг Хятадын хайлтын системийн “Sogou” компани хөгжүүлсэн бөгөөд “World Internet Conference” арга хэмжээний үеэр танилцуулсан байна. Харахад бодит хүн мэдээг уншиж байгаа мэт харагдах боловч түүний амны хөдөлгөөнийг дижитал аргаар үүсгэж, хоолой нь мэргэжлийн хүний дуу хоолойг ашиглан зохиомлоор үүсгэсэн дуу хоолой байжээ. Өөрөөр хэлбэл, мэргэжлийн хүний зургийг ашиглан, түүн дээр хүний нүүр биеийн хөдөлгөөнийг оруулж мэдээг автоматаар уншина гэсэн үг ажээ. Ингэснээр үйл ажиллагааны зардлыг ихээр хэмнэж, вэб сайт болон цахим сүлжээн дэх мэдээ мэдээллийг 24 цагийн турш тасралтгүй түгээх боломжтой болж байгаагаа Синьхуа мэдэгдсэн байна. Одоогоор англи, хятад гэсэн хоёр хэл дээр мэдээг унших боломжтой байгаа гэнэ.

 
Манай хуудсанд LIKE дарж нэгдэнэ үү

Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд Zuv.Mn сайт хариуцлага хүлээхгүй.

Сэтгэгдэл бичих ...
Оруулах
Болих
Зочин
36 өдрийн өмнө / 103.57.95.240

ENGIIN HUN CH GESEN ZOHION BUTEEGCH BAIDAG