Сармагчин 12 хоногтой нярай хүүхдийн аминд хүрчээ

: 30 өдрийн өмнө / 2018-11-16 10:23:55

Энэтхэгийн хойд нутгийн Агра хотод нэгэн сармагчин төрөөд удаагүй 12 хоногтой нярай хүүг ээжээс нь булаан авч, хазсан хэрэг гарсан байна. Тухайн үед хүүгийн ээж түүнийг хөхүүлж байсан бөгөөд сармагчин тэдний гэрт орж, хүүхдийг авч зугтаасан гэж гэр бүлийн гишүүд нь мэдээлжээ.

Сармагчныг нутгийн иргэд хөөсөн ба уг сармагчин хүүг хүчтэй хазсаны дараа хөршийнх нь байшингийн дээврээс унагаасан байна. Бяцхан хүүг эмнэлэгт хүргэсэн боловч тэрбээр гэмтлээ даалгүй харамсалтайгаар нас баржээ. Нутгийн оршин суугчдын мэдээлснээр, тус нутагт сармагчнууд хүн рүү дайрах нь түгээмэл болсон аж.

“Манай хотод хэтэрхий олон сармагчин хөлхөж байна. Бид айдас дунд амьдарч байна. Ард иргэд нутгийн захиргаанд энэ талаар удаа дараа гомдол мэдүүлсэн боловч тэд юу ч хийгээгүй. Хүүгийн ээж гүн цочролд орж, ярьж чадахаа байсан” гэж хүүгийн авга ах сэтгүүлчдэд мэдээлсэн байна.

Энэтхэгийн алдарт “Таж Махал” байгууламж оршдог Агра хотод гарсан сармагчны цуврал дайралтуудын хамгийн сүүлд бүртгэгдсэн тохиолдол энэ юм. Түүнчлэн хоёр сарын өмнө, хөлд орж буй хүүхэд рүү олон сармагчин дайрсны улмаас тэрбээр хүнд бэртсэн бөгөөд одоог хүртэл эмнэлэгт хэвтэн эмчлүүлж байгаа ажээ.



Мөн энэ оны тавдугаар сард “Таж Махал”-ыг үзэн сонирхож байсан хоёр жуулчин руу сармагчин дайрсан тохиолдол гарсан байна. 
Манай хуудсанд LIKE дарж нэгдэнэ үү

Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд Zuv.Mn сайт хариуцлага хүлээхгүй.

Сэтгэгдэл бичих ...
Оруулах
Болих
ЗОЧ
29 өдрийн өмнө / 202.179.24.23

ХҮНИЙ ХУУЛИАР ШИЙТГЭХ БАЙХ ДАА.ЯАГААД ГЭВЭЛ ХҮН САРМАГЧИНГААС ҮҮССЭН ГЭДЭГ БИЗ ДЭЭ.ОДОО ХҮН БОЛОХ ГЭЖ БАЙГАА Ч ЮМ БИЛ ҮҮ.

Зочин
29 өдрийн өмнө / 103.56.86.183

Би яг одоо Аград багаам энд хайран Таж махал, гарангуут жорлон нь урсаад дээр нь хоолоо хийж идээд сууж байхын. Агра ч тэр хаа ч тэр монгол цусны хаад л энэ гайхамшигт бүтээн байгуулалтуудыг нь хийж хүн төрөлхтөнд үлдээсийн бна ш дээ. сармагчин гуай бол дүүрэн

Хегийн
29 өдрийн өмнө / 139.5.217.175

Самжуудын тоо толгойг багасгах ууднээс устгаж арилгах хэрэгтэй болжээ. Маанагууд яая гэхэвдээ.

лайк
29 өдрийн өмнө / 202.131.231.26

пивьдаг алахгүй, хамгийн муухай сэжгийн амьтан