Өвөрхангай аймаг нэмэлт цагт хожлоо

: 195 өдрийн өмнө / 2018-12-13 09:45:28

Монголын үндэсний сагсан бөмбөгийн холбооны Үндэсний лигийн улирлын тоглолтууд үргэлжлэн явагдаж байна. Өчигдөр 2 тоглолт боллоо. Эхний тоглолт Өвөрхангай Тэнүүн-Өлзий болон Хэнтий аймгийн багуудын хооронд болсон юм. Тоглолтын эхнээс л Өвөрхангай Тэнүүн-Өлзий багийн төвийн тоглогч ОУХМ Д.Дэлгэрням гайхалтай тоглолтыг үзүүлж баг нь ч эхний хагасыг оноогоор илүү дуусгаж чадсан юм. Гэхдээ ямар ч багт амархан бууж өгдөггүй Хэнтий аймаг шийдвэрлэх мөчүүдэд гайхалтай байж үндсэн цагт 92-92 дээр оноог тэнцүүлж чадсан. Ингээд нэмэлт үеийн эцсийн мөчид 104-103 харьцаатай Өвөрхангай Тэнүүн-Өлзий баг хожлоо. Хэнтий сүүлийн хоёр тоглолтондоо хүчтэй өрсөлдөгч Өвөрхангай болон Ховд багуудтай нэмэлт үе сунгасан ч хоёуланд нь ялагдлаа. Энэ тоглолтод ОУХМ Д.Дэлгэрням 33 оноо, 10 самбар авч багаа манлайлсан бол эсрэг багаас Н.Шижирбат мөн 33 оноог авч гайхалтай тоглолтыг үзүүлжээ.

 
Манай хуудсанд LIKE дарж нэгдэнэ үү

Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд Zuv.Mn сайт хариуцлага хүлээхгүй.

Сэтгэгдэл бичих ...
Оруулах
Болих