Сүмд зэвсэгт халдлага гарч, 4 хүн амь үрэгджээ

: 195 өдрийн өмнө / 2018-12-13 11:22:33

Бразилын Сан Пауло мужийн Кампинас хотын нэгэн сүмд зэвсэглэсэн этгээд халдсаны улмаас дөрвөн хүн амь үрэгдэж, гурван хүн шархадсан байна.
 
Төрийн мэдээллийн “Agencia Brasil” агентлагын мэдээлснээр уг халдлагыг Еулер Фернандо Грандолпо гэх 49 настай эр үйлдсэн бөгөөд өдрийн 1:25 цагт сүмд орж ирэн 20 –иод удаа гал нээж, цагдаагийн ажилтнууд ирэхээс өмнө өөрийгөө буудан хөнөөжээ.
 
Тэрээр дүүргийн прокурорын газарт 2014 он хүртэл туслахаар ажилладаг байсан ба өмнө нь ямар нэгэн ял шийтгэл эдэлж байгаагүй. Одоогоор үүнээс өөр тодорхой мэдээлэл өгөөгүй бөгөөд хэргийн шалтгааныг тогтоохоор ажиллаж байгаа гэж цагдаагийн байгууллагаас мэдээлжээ.


 
Манай хуудсанд LIKE дарж нэгдэнэ үү

Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд Zuv.Mn сайт хариуцлага хүлээхгүй.

Сэтгэгдэл бичих ...
Оруулах
Болих