Амаль Клуни бэлгийн дарамтад өртөж байжээ

: 101 өдрийн өмнө / 2018-12-13 14:24:54

Сүүлийн үед #MeToo гэдэг байгууллагын тухай хүмүүс их ярих болсон. Энэ хөдөлгөөнд нэгдсэн хүмүүс аливаа хүчирхийлэл, бэлгийн дарамт шахалтын эсрэг тэмцдэг билээ. Тэгвэл Холливудын нэрт жүжигчин Жорж Клунигийн эхнэр Амаль Клуни энэхүү хөдөлгөөнийг дэмжээд зогсохгүй өөрөө ч бэлгийн дарамт шахалтыг амсаж байсан гэдгээ өгүүлсэн байна.
 
Хуульч бүсгүйг мэргэжлийн ажлаа хийх үеэр зарим нэг эрчүүдийн зүгээс хоргоох, чангаах зэргийг нэг бус удаа мэдэрч байсан гэдгээ тэрээр мэдэгдэв. Энэ талаар Амаль эмэгтэйчүүдийн эрхийн төлөөх чуулга уулзалтад оролцох үеэрээ өгүүлсэн байна.
 
Тэрээр “Олон жилийн өмнө ийм байдалд орсон эмэгтэйчүүд бусдаас ичиж зовохдоо зоригтой дуугарч чаддаггүй байсан. Иймэрхүү байдалд орсон олон эмэгтэйчүүд яг над шиг дуугүй өнгөрсөн биз ээ. Харин бидний залгамж үе болсон хүүхдүүд маань, миний охин аюулгүй байдалд байх биз ээ.
 
Шинэ үеийнхэн өөрсдийг нь дээрэлхсэн, дарамт шахалт үзүүлсэн хүмүүстэй эвлэрэхгүй тэмцэх болно. Манай энэ хөдөлгөөнд нэгдсэн эмэгтэйчүүдийн ачаар л тэд ийм зориг зүрхтэй болж байгаа юм” хэмээн ярьжээ.

 
Манай хуудсанд LIKE дарж нэгдэнэ үү

Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд Zuv.Mn сайт хариуцлага хүлээхгүй.

Сэтгэгдэл бичих ...
Оруулах
Болих