БСШУС-ын сайд Ё.Баатарбилэг: Ажил эрчимжүүлэх, хариуцлага өндөржүүлэх талаар тушаал гаргалаа

: 32 өдрийн өмнө / 2019-02-18 01:30:12

БСШУС-ын сайд Ё.Баатарбилэг яамны албан хаагчдыг мэргэшүүлэх, хариуцлагатай ёс зүйтэй байлгахад чиглэсэн “Ажил эрчимжүүлэх, хариуцлагажуулах талаар авах арга хэмжээний тухай” А/70 тоот тушаалыг 2019 оны хоёрдугаар сарын 14-ний өдөр гаргалаа. 
УИХ аас баталсан Засгийн газрын 2016-2020 оны үйл ажиллагааны хөтөлбөр, Эдийн засаг, нийгмийг 2019 онд хөгжүүлэх чиглэл, Засгийн газрын 2018 оны “Төрийн албаны сахилга, хариуцлага, дэг журмыг чангатгах, тухай” 258 дугаар тогтоол, сахилга хариуцлагыг сайжруулах чиглэлээр батлагдсан албан даалгаврыг хэрэгжүүлэх зорилгоор 12 төрлийн арга хэмжээ авахыг тушаалд тусгасан байна. 

Тухайлбал, Яамны албан хаагчдын мэргэшсэн, ажлын өндөр ур чадвартай, ёс зүй, харилцааны соёлтой, эрх зүйн мэдлэгтэй, салбартаа манлайлагч байдлыг дэмжсэн сургалтыг үе шаттай зохион байгуулах 

Яамны албан хаагч бүр эрхэлсэн ажилдаа мэргэших, хариуцлагатай хандах, хууль дээдлэх, шударга, шуурхай, идэвхтэй, ил тод, хамтран ажиллах, салбарын байгууллагыг удирдлагаар хангадаг байх зарчмыг мөрдүүлэх 

Сахилга хариуцлагыг сайжруулах чиглэлээр Засгийн газраас баталсан албан даалгавар, тогтоол, чиглэлийг хэрэгжүүлэх талаар яамны гүйцэтгэлийн төлөвлөгөө, албан хаагчдын ажлын байрны тодорхойлолтод тусгайлан заалт оруулж, биелэлтийг чанаржуулах арга хэмжээ авах тухай дээрх тушаалд тусгасан.  

Тушаалд дурдсан арга хэмжээг авч хэрэгжүүлэхийг БСШУС-ын Төрийн нарийн бичгийн дарга Б.Баярсайханд, биелэлтэд хяналт тавьж ажиллахыг дэд сайд Г.Ганбаярт үүрэг болголоо
Манай хуудсанд LIKE дарж нэгдэнэ үү

Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд Zuv.Mn сайт хариуцлага хүлээхгүй.

Сэтгэгдэл бичих ...
Оруулах
Болих
Зочин
32 өдрийн өмнө / 66.181.169.66

Албан тушаалын тодорхойлолт гэдэг нэртэй болсон / Шинэ хуулиар/ хуулиа судалж тушаалдаа зөв бичиж гаргаачээ.