Бионсигийн 20 настнуудад өгч буй зөвлөгөө

: 125 өдрийн өмнө / 2019-04-18 11:25:39

Өдгөө 36 настай дуучин Бионси Vogue сэтгүүлд өгсөн ярилцлагадаа 20 настай байх үеийн өөртөө юу гэж зөвлөх байсан бэ хэмээх асуултад ийн хариулжээ.

''Би 20 настай өөрийгөө эргэн дурсахдаа өөртөө итгэлгүй, эргэн тойрон дахь хүмүүсийнхээ ая талыг харсан охиныг олж хардаг. Нийгэмд эмэгтэйчүүд залуу байхдаа хамгийн үзэсгэлэнтэй байдаг гэсэн ойлголт байдаг. Гэсэн ч би одоо өөрийгөө тэр үеийн өөрөөсөө хамаагүй үзэсгэлэнтэй, өөртөө итгэлтэй, тачаангуй, сонирхолтой нэгэн болсон гэж боддог. Хамгийн гол нь би илүү хүчтэй, ухаалаг болсон. 20 настай өөртөө ингэж зөвлөмөөр байна.''

Related image

- Хүн бүхэнтэй тохирч, зохицох гэж өөрийгөө өөрчлөх хэрэггүй. Чи бол цор ганц.

- Үс ургаж, загвар хуучирдаг. Гадаад төрхдөө анхаарах цагаа өөр чухал зүйлд зарцуул. Ном уншиж мэдлэгийн хүрээгээ тэл. Бусдад тусал. Амьтан тэжээ. Гудамжинд өлсөж яваа хөөрхий амьтдад хоол авч өг.

- Дэлхийг өөрчилсөн суут хүмүүст тэдний бусдад таалагдах эсэх огт хамаагүй байсан гэдгийг сана.

- Карьер бол шулуун зам биш. Бэрхшээлийн ард бэлэг байдаг.

- Бусдаас тусламж гуйхаасаа бүү ич. Хүн бүхэнд тусламж хэрэгтэй.

- Ажил чухал, найзууд чухал. Гэхдээ өөрийг чинь үнэлдэггүй хүнтэй хамт байхаар хэмжээний чухал биш.

- Аялах цаг өөртөө үргэлж гаргаж бай. Хойшлуулаад байгаа аяллаа одоо л хий.

- Хүссэн зүйлээ хий. Таргалчих болов уу, таалагдахгүй болов уу гэж айхад амьдрал хэтэрхий богино.

- Өөртөө үргэлж итгэ.

- Хамгийн чухал зарим ур чадварыг зөвхөн алдаанаасаа суралцах боломжтой байдаг.

- 25 хүрэхээрээ 20-той байсан үеэ санана. 30 хүрэхээрээ 25-тай байхад сайхан байсан тухай бодно. 35 хүрээд 30-тай байхдаа жаргалтай байсан гэж дурсана. Гэсэн ч одоо л чиний сайхан амьдрах цаг гэдгийг санаж, өнөөдрөөрөө амьдар. Юуг ч хүлээх хэрэггүй, одоо л жарга.
 
Манай хуудсанд LIKE дарж нэгдэнэ үү

Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд Zuv.Mn сайт хариуцлага хүлээхгүй.

Сэтгэгдэл бичих ...
Оруулах
Болих