Гадил жимсийг өглөөний цайнд ХЭРЭГЛЭВЭЛ арьсыг толигор болгодог

: 68 өдрийн өмнө / 2019-05-13 09:16:59

Амин дэмтэй, биед сайн хүнс хэтрэхээрээ, эсвэл зохимжгүй хүнстэй нийлэхээрээ хор болох тохиолдол олон. Эрүүл амьдралын хэв маягийг сурталчлагч “Cure- Joy” цахим сэтгүүлд хүнсний бүтээгдэхүүнийг өдрийн аль үед идэхээс шалтгаалж хэрхэн үйлчилдгийг мэдээлжээ. 

Гадил
Гадил жимсийг өглөөний цайнд уувал бодисын солилцооны үйл ажиллагааг эрчимжүүлж, арьсыг толигор сайхан болгодог. Харин оройн хоолонд зоогловол мөөгөнцөр үүсгэх шалтгаан болж, хоол шингэхэд саад болно. Алим- Цусан дахь сахар, өөх тосны хэмжээг бууруулдаг пектин хэмээх бодис алиманд агуулагддаг. Гэвч оройн цагаар пектинийг шингээхэд хүнд бөгөөд ходоодны хүчлийг ихэсгэдэг гэмтэй.

Төмс
Эрдсээр баялаг хүнс. Өглөөний цайнд идвэл төмсний цардуул цусан дахь өөх тосны хэмжээг бууруулна. Харин орой идвэл калори ихтэй тул жин нэмдэг. Сүү- Бүлээн сүү унтахын өмнө балгыг уувал сайн амарна. Гэвч өглөө сүү уусны дараа идэвхтэй дасгал хөдөлгөөн хийхгүй бол шингэхгүй. Гэдэс дүүргэж, цусан дахь сахарын хэмжээг нэмэгдүүлнэ. Мөн харшилтай болох эрсдэл өндөр.

Самар
Самрыг өглөө идвэл цусны даралт ихсэхээс хамгаална. Харин орой идвэл жин нэмнэ.

Жүрж
Хоолны дундуур жүрж идвэл бодисын солилцоог сайжруулах болно. Гэвч орой идсэн жүрж хоол гэхээсээ хор болж, ходоодыг цочроон, салст бүрхэвчийн үрэвсэлд хүргэх эрсдэлтэй.

Улаан лооль
Өглөөний цагаар улаан лооль идвэл хоолны шингэцийг сайжруулж, бодисын солилцоог эрчимжүүлнэ. Хэрэв орой идвэл гэдэс хий дүүргэдэг.

Цагаан будаа
Өдрийн цагаар хүний бодисын солилцоо эрчимтэй явагдаж байдаг. Энэ үеэр цагаан будаа идвэл түүнд агуулагдах нүүрс усыг ашиглах боломжтой. Гэвч орой идвэл илүүдэл жинтэй болно.

Хар шоколад
Шоколаданд агуулагдах антиоксидант залуужуулж, зүрх судасны өвчнөөс хамгаалах шидтэй. Гэхдээ зөвхөн өглөөний цагаар гэдгийг санаарай. Хоолны дундуур амны зугаа болгож идвэл илүүдэл жинд хөтлөх магадлалтай.

Хатаасан чангаанз

Чангаанзыг өглөө идвэл бодисын солилцоог сайжруулж, хоол шингээх үйл явцад ходоодыг бэлддэг. Оройн цагаар үйлчилгээ нь эсрэгээрээ болж, гэдэс хий дүүргэх, хоол шингээлтийг саармагжуулна.

Бяслаг

Өглөөний цайнд бяслаг идвэл таргалалт, өөхлөхөөс сэргийлэх боломжтой. Оройн хоолонд зоогловол шингээхэд хүндрэлтэй тул өөхлөхийг нэмэгдүүлнэ.

Манай хуудсанд LIKE дарж нэгдэнэ үү

Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд Zuv.Mn сайт хариуцлага хүлээхгүй.

Сэтгэгдэл бичих ...
Оруулах
Болих
jk
68 өдрийн өмнө / 202.179.31.40

gadil chimes olon elgen deeree idvel hodoodnii sharhtai bolno gdg sh dee

Зочин
68 өдрийн өмнө / 203.91.112.130

орой идэх зүйл алга яана лавшаа идэнэ яадаг юм