Монголд газрын тос боловсруулах үйлдвэр барих гэрээ байгуулжээ

: 11 өдрийн өмнө / 2019-05-15 15:33:01



Энэтхэг улс Монгол Улстай газрын тос боловсруулах үйлдвэр барих гэрээ байгууллаа.Дорноговь аймгийн Сайншанд суманд баригдах энэхүү үйлдвэр нь жилд 1.5 сая тонн газрын тос боловсруулах хүчин чадалтай ажээ. Уг төслийг Энэтхэгийн зүгээс нээсэн нэг тэрбум долларын зээлийн шугамын хүрээнд “Exim” банк санхүүжүүлэх болсон байна. Монгол Улс нь БНХАУ-тай хөрш боловч ЗХУ-тай улс төрийн түүхэн холбоотой орон юм. Харин Энэтхэг нь Монголын гуравдагч хөрш бөгөөд хоёр орныг холбодог бас нэгэн хүчин зүйл нь буддын шашин билээ.

2015 онд Энэтхэгийн Ерөнхий сайд Нарендра Моди Монголд айлчлах үеэр газрын тос боловсруулах үйлдвэрийн төслийг талууд анхлан баталсан байна. Улаанбаатар хот дахь Энэтхэгийн Элчин сайдын яамны мэдэгдэлд, “энэхүү төсөл нь Монголыг эрчим хүчний хараат бус байдлын эрин үеийг эхлүүлээд зогсохгүй эдийн засгийн шинэ боломж бололцоог бий болгож, Дорноговь аймгийн нийгэм эдийн засгийн бүтцийг баяжуулж, ажлын байрыг нэмэгдүүлэх юм” гэж дурджээ. Мөн Монголын эдийн засгийг өргөжүүлж, тус улсын эдийн засгийн бүхий л үйл ажиллагаанд үр нөлөөгөө үзүүлэх энэхүү үйлдвэрийн түүхий эдийг Монголын газрын тосны ордуудаас дамжуулах хоолойгоор татах болно гэж мэдэгдэлд онцлон тэмдэглэв.   
 
Манай хуудсанд LIKE дарж нэгдэнэ үү

Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд Zuv.Mn сайт хариуцлага хүлээхгүй.

Сэтгэгдэл бичих ...
Оруулах
Болих
уужим
10 өдрийн өмнө / 202.21.120.186

үйлдвэр барих гэсээр байтал хятадууд тосыг нь зөөгөөд дуусчихгүй л байгаасай. зүүн баян тамсаг булгийн тос зөөхийг болиулах арга байхгүй юу

Зочин
11 өдрийн өмнө / 106.102.142.191

Saihan l medee bna ajil hereg boloosoi ..deeguurh nohduud eniig mongo gej haralgu ireedui gej setgeed setgel gargaad ajil hereg bolgoosoi hurai hurai ...xaxa