Англи улсад тоглогдох “The Hu” хамтлагийн тоглолтын тасалбар дуусжээ

: 67 өдрийн өмнө / 2019-06-11 10:48:02

Европын 23 орноор аялан тоглолт хийж буй “The Hu” хамтлагийг өчигдөр буюу энэ сарын 10-нд Монгол Улсаас ИБУИНХУ-д суугаа Элчин сайд Н.Тулга хүлээн авч уулзав.
 
 
Рок, поп урлагийн ертөнцөд “Хүннү рок” гэх шинэ урсгалаар уран бүтээлээ туурвиж, дэлхий дахинаа олон сая сонсогч, дэмжигчтэй болж буй “THE HU” буюу Хүмүүн (Хү) хамтлаг энэ сарын 6-наас эхлэн Европын орнуудаар аялан тоглож буй юм. 

Тус хамтлаг энэ сарын 11-нээс эхлэн ИБУИНХУ-ын Лондон, Манчестер, Брайтон, Гласгов, Бристол зэрэг зургаан хотод тоглох юм. Тоглолтын тасалбар зарагдаж дууссан ч тус хамтлагийн тоглолтыг үзэх хүсэлтэй Британи улсад ажиллаж амьдарч байгаа Монголчууд болон Британчууд олон байгаа аж.
 
 
Уулзалтын үеэр Элчин сайдын яам болон тоглолтын ерөнхий зохион байгуулагч “Eleven Seven” студи хамтран хэвлэлийн бага хурал, уулзал ярилцлага зохион байгуулжээ. Үүнд Британийн нэр хүндтэй “BBC 3 World Music”, “Daily Express”, “BBC Radio 6 Music” “Daily Telegraph”, “I Newspaper”, “Classic Rock”, “Freelance”, “Forbes”, “Меtro”, “Record Collector” зэрэг 20 гаруй хэвлэл мэдээллийн байгууллагын 40 төлөөлөгч оролцож, “The Hu” хамтлагийн хамтлагийн уран бүтээл, Монгол хөгжмийн гайхамшгийн талаар чөлөөт яриа өрнүүллээ. Энэ үеэр “The Hu” хамтлагийнхан жил хүрэхгүй хугацаанд зөвхөн youtube сувгаар 27 орчим сая сонсогч, үзэгчид хүрсэн “Yu ve yu ve yu” дуугаа дуулж сонирхуулав.
 
Мөн ирсэн зочидод Хү хамтлагийн гишүүдийн гарын үсэгтэй пянз дурсгал болгон бэлэглэв. “Хүннү рок” гэх урсгалд хөгжмийн олон төрөл зүйл багтаж байгаа нь зөвхөн рок сонирхогч гэлтгүй олон хүн сонсох боломж олгож байгаа тул ирэх дөрвөн жилд багтан дөрвөн цомог гаргах гэрээг “THE HU” хамтлагийнхан дэлхийд алдартай продакшнтай байгуулжээ.
 
Манай хуудсанд LIKE дарж нэгдэнэ үү

Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд Zuv.Mn сайт хариуцлага хүлээхгүй.

Сэтгэгдэл бичих ...
Оруулах
Болих
элчин гэсэн тэнэгт
67 өдрийн өмнө / 95.211.211.182

юу бичээд байна аа ядуу орныг төлөөлсөн гээд монгол дээл мажиг гуталтай зогсч байх юм уу? нүдний шил, зангиа бол байдаг л зүйл. харин цаг, цүнхийг ерөөсөө харахгүй байна. гутал нь ч бас харагдахгүй байна даа. чамд хэлэхэд гадагшаа гарч юм үзэж нүд тайл ийм зүйл харчихаад брэнд энэ тэр гээд ичиж байгаа бол ядуурал туйлдаа хүрсэн хүн байна.

mongol
67 өдрийн өмнө / 202.131.243.190

gaihamshig ta buhendee amjilt

Гэрлээ
67 өдрийн өмнө / 202.131.228.202

Залуусаа та нараар үнэхээр бахархаж байна. Энэ хэцүү цаг үед та нар үнэхээр гайхалтай байна. Цоглог, сүрлэг, хийморлог залуусдаа амжилт хүсье.

Зочин
67 өдрийн өмнө / 122.201.21.109

САЙН ЦАГИЙН "ГУРВАН" ТӨГРӨГНИЙ АЧ ГЭСЭЭН .МОНГОЛЫН БАЯЧУУДЫН НУУЦ ШҮТЭЭН АЗ , ХИЙМОРЬ, ЁНДОО -Г БИЛЭГДДЭГ БНМАУ 1981.

Элчин
67 өдрийн өмнө / 103.229.121.66

Элчингийн зүүсэн ягаан зангиа нүдний шил 2 ядуу орноос очсон гэхэд арай л дэндүү юм Энэ хүний зүүсэн цаг барисан цүнх өмссөн гутал асар үнэтэй брэндийн зүйлс байгаа даа ичмээр ичмээр ийм хүн монголын төлөө юм хийх үү

Монгол
67 өдрийн өмнө / 202.21.99.142

Баяр хүргэе. Монголчууд чадлаа