Б.Хурцыг Ц.Элбэгдоржийн ойрын хамаатан Ц.Отгонжаргал шүүнэ

: 24 өдрийн өмнө / 2019-06-27 16:34:59

Бусдыг С.Зориг агсаны хэрэгт буруутган эрүүдэн шүүж ял оногдуулах ажлыг зохион байгуулсан гэх ТЕГ-ын дарга асан Б.Хурцад холбогдох хэргийг энэ сарын 25-ны өдөр харьяаллын дагуу гээд Төв аймаг дахь Сум дундын Эрүүгийн хэргийн анхан шатны шүүхэд шилжүүлсэн. Уг хэргийг хамтран гүйцэтгэсэн, хамжигчаар оролцсон, мөрдөн байцаах ажиллагааны нууцыг задруулсан, хууль буруу ашигласан гэх зэрэг хэрэгт б. Хурцтай хамт найман хүнд прокуророос яллах дүгнэлт үйлдэж шүүхэд шилжүүлээд буй. Энэ дагуу шүүх товоо зарлаж Удахгүй шүүх хурал нь болох юм. харин Төв аймгийн Сум дундын Эрүүгийн хэргийн анхан шатны шүүхийн ерөнхий шүүгчээр ХХЕГ-ын “Хилчин” спорт хорооны дарга, Ховд аймгийн Мөст сумын харьяат, Улсын заан Мягмарсүрэнгийн төрсөн дүү Ц.Отгонжаргал гэх эмэгтэй ажилладаг юм байна.

Ц.Мягмарсүрэн, Ц.Отгонжаргал нар Ерөнхийлөгч байсан Ц.Элбэгдоржийн аавын ойрын хамаатан болохыг эх сурвалж мэдээлж байна. 2013 онд Ерөнхийлөгч Ц.Элбэгдорж Ховд аймагт ажиллахдаа Улсын заан Ц.Мягмарсүрэнг авч яваад Зэрэг, Мөст сумын заагт оршдог Цахир ууланд хамтдаа гарсан байдаг. Ингэхдээ Цахир ууланд ёс үйлдэж, 20 мянгатын дэвсгэрт цацаж байсан гээд л шуугиж байв.

Тэр үед Ерөнхийлөгч Ц.Элбэгдорж “Миний аав М.Цахиа Цахир ууланд төрсөн. Энэ Ц.Мягмарсүрэн заан чинь миний аавын ойрын хамаатан байгаа юм” гэж нутгийнхан, хамт явсан хүмүүстээ хуучилж байж. Улаанбаатарт ирээд удалгүй Ц.Мягмарсүрэнг ХХЕГ-ын “Хилчин” спорт хорооны даргаар томилж, дэд хурандаа цолтой болгож байжээ. ийнхүү тохиолдлоор ч гэх үү томилгоогоор ч гэх үү Ц.Элбэгдорж, Б.Хурц хоёр шүүхийн танхимаар дамжуулан хүч үзэхээр болжээ. Өнгөрсөн хугацаанд тэд нэгнийгээ с. Зоригийн хэрэг буруутай хэмээн олонтаа мэдэгдэж байсан билээ. Харин Ц.Мягмарсүрэн зааны дүү, Төв аймгийн Сум дундын Эрүүгийн хэргийн анхан шатны шүүхийн ерөнхий шүүгч Ц.Отгонжаргалын нөхөр н.Ганбатыг Б.Хурц АТГ-ын дэд дарга байхдаа ажилд авч байсан баримт байдаг байна. Нэг үгээр хэлэх юм бол, Б.Хурцыг Ц.Элбэгдоржийн аавын ойрын хамаатан, өөрийнх нь ажилд авч байсан хүний эхнэр болох Ц.Отгонжаргал шүүхээр болж байгаа ажээ. Шүүхийн шийдвэр юу гэж гарах бол гэдэгт олон нийт анхаарлаа хандуулж байна.

У.УРАНЦЭЦЭГ 

Манай хуудсанд LIKE дарж нэгдэнэ үү

Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд Zuv.Mn сайт хариуцлага хүлээхгүй.

Сэтгэгдэл бичих ...
Оруулах
Болих
шувуу.
23 өдрийн өмнө / 202.126.88.139

завхрал. элбэгдорж үнэндээ дийлдэхгүй юм байна .хѳшигний ард тоглолт хийгээд шүүхийг атгасан юм байндаа.

Говийн өвгөн
23 өдрийн өмнө / 66.181.161.22

Элбэгдорж Хурц нарын захиалгаар Хурцыг Төв аймгийн сум дундын Эрүүгийн хэргийн анхан шатны шүүхэд шилжүүлжээ. Монголын шүүх хэзээ үнэн зөв шийд гаргадаг болох юм бол. Ард түмнийг бол ёстой чангалж өгөнө дөө. Эд нар их л бол тэнсэнтэй гарах биз

Говийн өвгөн
23 өдрийн өмнө / 66.181.161.22

Элбэгдорж Хурц нарын захиалгаар Хурцыг Төв аймгийн сум дундын Эрүүгийн хэргийн анхан шатны шүүхэд шилжүүлжээ. Монголын шүүх хэзээ үнэн зөв шийд гаргадаг болох юм бол. Ард түмнийг бол ёстой чангалж өгөнө дөө. Эд нар их л бол тэнсэнтэй гарах биз

Зочин
23 өдрийн өмнө / 122.201.21.114

Ямар завхарсан юм, хаана үнэн шудрага ёс байна. Ихэнхи хүмүүс Хурцыг үнэн шудрагаар шүүхийг хүсэж байна. Яагаад төр засаг худалдагдсан шүүгчээр хэргийг нь шийдүүлдэг юм, төрийн эрх мэдэл гэж байхгүй болсон юм уу