“Эрдэнэт” үйлдвэр гавьяат тамирчиндаа байраа өгөхгүй луу унжиж байна

: 39 өдрийн өмнө / 2017-01-11 10:51:24

  

Уулын баяжуулах Эрдэнэт үйлдвэр “Хангарьд” спорт хороогоор овоглодог чөлөөт бөхийн гавьяат тамирчин, ДАШТ-ний хүрэл медальт Т.Мөнхтуяад орон сууц өгөхөөр амлаж, тодорхой баримт бичигт тусгасан ч өнөөдрийг хүртэл амлалтандаа хүрээгүй байгаа аж.

Уг нь Эрдэнэт үйлдвэрийн өмнөх захирлаар ажиллаж байсан Ц.Даваацэрэн Т.Мөнхтуяад орон сууц олгох асуудлыг өгөхөөр шийдвэрлээд байсан ч удирдлага нь солигдож тус үйлдвэрийн 49 хувь хувийн компанийн мэдэлд очсоноос хойш эл асуудал замхарчээ.

Эрдэнэт үйлдвэр шинэ жилээрээ сугалаагаар орон сууцны азтан шалгаруулдаг хэрнээ олон жил хөдөлмөрлөж, амжилт үзүүлсэн, Хангарьд спорт хорооныхоо нэр хүндийг өндөрт өргөж явсан тамирчныхаа байрны асуудлыг шийдэж чадахгүй байгаад олон нийт эгдүүцэж байгаагаа илэрхийлжээ.

Байраа авч чадахгүйдээ тулсан гавьяат тамирчин Т.Мөнхтуяа нэр бүхий УИХ-ын гишүүдэд хандсан сурагтай. Чөлөөт бөхийн тамирчин Т.Мөнхтуяа 2014 онд Монгол Улсын Ерөнхийлөгчийн зарлигаар гавьяат тамирчин цол тэмдэгээр шагнагдаж байсан нэгэн юм.

 
Б.Сондор

Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд Zuv.Mn сайт хариуцлага хүлээхгүй.

Сэтгэгдэл бичих ...
Оруулах
Болих