Сонгуулийн сурталчилгааны үеэр сэтгүүлчид юуг анхаарах вэ?

2020 оны 09 сарын 17

ШӨХТГ-аас Аймаг, нийслэл, сум, дүүргийн ИТХ-ын сонгуулийн тухай хуулийн хэрэгжилтийг хангах, хууль зөрчихөөс урьдчилан сэргийлэх талаар 21 аймгийн хэвлэл мэдээллийн байгууллагын төлөөлөлд цахим сургалт явууллаа.

Орон нутгийн сонгуулийн тухай хуульд хэвлэл мэдээллийн хэрэгсэл, цахим орчин, мессэж ашиглан улс төрийн чансаа тогтоох зорилго бүхий аливаа хэлбэрийн шалгаруулалт, санал асуулга зохион байгуулахыг хориглоно. Мөн хэвлэл мэдээллийн байгууллага сонгуулийн сурталчилгааны үеэр аль нэг нам, эвсэл, нэр дэвшигчийн талаарх мэдээ, мэдээллийг дагнан гаргах, эсхүл гаргахгүй байхаар амлалт авах, гэрээ байгуулахыг хориглоно.

Олон нийтийн радио телевиз болон бусад радио телевиз нь аймаг, нийслэл, сум, дүүргийн ИТХ-ын тухай хуулийн 38-р зүйлийн 38.5-д заасны дагуу сурталчилгаа нэвтрүүлсэн талаарх тайлангаа өөрийн байгууллагын цахим хуудас, эсхүл хэвлэл мэдээллийн хэрэгслээр дамжуулан олон нийтэд мэдээлж, нотлох баримтын хамт шударга өрсөлдөөний асуудал эрхэлсэн төрийн захиргааны байгууллагад албан бичгээр хүргүүлнэ. 

Орон нутгийн хурлын сонгуулийн сурталчилгааны хугацаанд радио, телевизээр нэвтрүүлэх сонгуулийн сурталчилгаатай холбоотой өргөдөл гомдлыг Цагдаагийн байгууллага, тагнуулын ерөнхий газар, Шударга өрсөлдөөний асуудал эрхэлсэн төрийн захиргааны төв байгууллага, мэргэжлийн хяналтын асуудал эрхэлсэн төрийн захиргааны төв байгууллагад гаргана.

Хэрвээ орон нутгийн сонгуулийн тухай хуулийг зөрчвөл иргэнийг 20 мянган нэгжтэй тэнцэх хэмжээний төгрөгөөр, хуулийн этгээдийг 200 мянган нэгжтэй тэнцэх хэмжээний төгрөгөөр торгоно. 

Цахим сургалтад ШӨХТГ-ын дарга Б.Бат-Эрдэнэ, орон тооны гишүүн С.Цогтгэрэл, Өрсөлдөөний бодлого, зохицуулалтын  газрын мэргэжилтэн Л.Амгалан, Харилцаа холбооны зохицуулах хорооны зохицуулалтын хэлтсийн дарга Т.Батболд, Орон нутгийн телевиз хариуцсан мэргэжилтэн С.Машбат, Орон нутгийн хэвлэл мэдээллийн байгууллагынхан цахимаар оролцлоо. 

 

Сэтгэгдэл (0)
love
haha
wow
angry
sad
Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.