ГХ-ны сайд Н.Энхтайваны ОХУ-д хийх айлчлалаар юу хэлэлцэх вэ?

2020 оны 09 сарын 17

Монгол Улсын Гадаад харилцааны сайд Н.Энхтайван ОХУ-ын ГХ-ийн сайд С.В.Лавровын урилгаар 2020 оны 9 дүгээр сарын 20-22-ны өдрүүдэд ОХУ-д албан ёсны айлчлал хийхээр болжээ.   Энэ нь 2020 оны 7 дугаар сард байгуулагдсан шинэ Засгийн газрын гишүүний  анхны гадаад айлчлал болох юм. 

Монгол Улсын Гадаад бодлогын үзэл баримтлалд ОХУ, БНХАУ-тай найрсаг харилцаатай байх нь Монгол Улсын гадаад харилцааны бодлогын эн тэргүүний зорилт гэж заасан байдаг.  2019 онд ОХУ-ын Ерөнхийлөгч В.Путин Монгол Улсад айлчлах үеэр хоёр улсын төрийн тэргүүн нар “Найрсаг харилцаа, иж бүрэн стратегийн түншлэлийн тухай Монгол Улс, ОХУ-ын хоорондын гэрээ”-нд гарын үсэг зурсан.

Гэрээг хоёр улсын Парламент соёрхон баталсан.  Айлчлалын үеэр соёрхон баталсан батламж жуух бичгийг Гадаад харилцааны сайд Н.Энхтайван, ОХУ-ын Гадаад хэргийн сайд С.В.Лавров нар солилцоно. Ингэснээр тус гэрээ хүчин төгөлдөр болох юм.  

Айлчлалын үеэр манай талаас дараах гол асуудлуудыг ярилцана. Үүнд: 

  • 2021 онд тохиох Монгол Улс, ОХУ-ын хооронд дипломат харилцаа тогтоосны 100 жилийн ойг хамтран тэмдэглэх төлөвлөгөө боловсруулан, улс төр, худалдаа, эдийн засаг, соёл боловсрол, хүмүүнлэгийн чиглэлээр 30 гаруй арга хэмжээ хэрэгжүүлэх 
  • Монгол, Оросын худалдааны хэмжээг нэмэгдүүлэх, ялангуяа Монгол Улсын экспортыг нэмэгдүүлэх зорилгоор ОХУ болон Евразийн эдийн засгийн холбоотой хамтын ажиллагаагаа гүнзгийрүүлэх боломжуудын талаар,
  • Хийн хоолойн асуудал,  дэд бүтцийн салбарын хамтын ажиллагаа,
  • Монгол, Оросын хамтарсан “УБТЗ” хувь нийлүүлсэн нийгэмлэгийн үйл ажиллагааг эрчимжүүлэх, төмөр замын шинэчлэлийн ажлыг эхлүүлэх, энэхүү үйл ажиллагааг санхүүжүүлэх хөрөнгө оруулалтын асуудал
  • Монгол, Оросын хоорондын боловсрол, соёл, хүмүүнлэгийн салбарын хамтын ажиллагааг өргөжүүлэх чиглэлээр хамтран хэрэгжүүлэх арга хэмжээ  
  • Монгол, Орос, Хятадын “Эдийн засгийн коридор байгуулах хөтөлбөр”-т тусгагдсан төслүүдийг урагшлуулах
  • Худалдаа, эдийн засаг, шинжлэх ухаан, техникийн хамтын ажиллагааны Монгол, Оросын Засгийн газар хоорондын комиссын 23 дугаар хуралдааныг энэ онд зохион байгуулах асуудлаар мөн ярилцахаар төлөвлөж байна.

Айлчлалын үеэр болох уулзалтууд:

ОХУ-ын Гадаад хэргийн сайд С.В.Лавровтой хэлэлцээ хийнэ
ОХУ-ын Парламент, Засгийн газрын зарим удирдлагатай уулзалт хийнэ

Сэтгэгдэл (2)
love
haha
wow
angry
sad
Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
2020 оны 09 сарын 18
122.201.21.228
зочин

Энэ гар ОХУ-руу явах ямарч шаардлага алга. Чиглэл чиглэлээр нь албан захидал явуулахад хангалттай. Хийн хоолойн асуудал угаасаа л худлаа. Хэрэглэгч болон хөрөнгө оруулагч байхгүй. Хятад улс баруун бүсдээ маш том байгалийн хийн орд илрүүлсэн. Үүнийгээ ашиглана гээд Блүүмбэргээр цацсан. Бас дээр нь Оросын байгалийн хий үнэтэй байгаа гэсэн шүү дээ. Жаахан юм уншиж бай л даа. Хурандаагийн амьгүй албатуудаа.

2020 оны 09 сарын 17
119.40.99.53
зочин

Өчигдөр Хятадын сайдтай хийсэн хэвлэлийн бага хурал дээр байсан шиг юм болбол ёстой шараа даа\nДожоогүй хүний бичсэн юм ч уншиж чадахгүй юм Ээ нүдний балай болов