Эрдэнэтээс ажил хийхээр ирсэн 3 охиныг хүчээр биеийг нь үнэлүүлж байжээ

2020 оны 09 сарын 18

Охид эмэгтэйчүүдийг бусдад цахимаар зуучлан биеийг нь үнэлүүлдэг,  бэлгийн мөлжлөгийн зорилгоор  зорчих эрхийг нь хязгаарлаж байсан  бүлэг этгээдийг Эрүүгийн цагдаагийн  албанаас  илрүүлэн баривчиллаа.

Он гарсаар энэ төрлийн гэмт хэрэгт 18 бүлгийн 29 этгээд холбогдогчоор, хохирогчоор 76 эмэгтэй тогтоогдоод байна. Тэдний 22 нь насанд хүрээгүй охид байгаа талаар Эрүүгийн цагдаагийн албанаас мэдээллээ.

Гэмт этгээдүүд ихэвчлэн  цахим орчныг ашиглан охидыг  зураг, бичлэгээр барьцаалах, ар гэрийн анхаарал халамж сул байдлыг ашиглан эрхшээлдээ оруулан  бэлгийн мөлжлөг хийж байна. 

Тодруулбал, Эрдэнэт хотоос ажил хийхээр ирсэн насанд хүрээгүй 3 охиныг иргэн Х гэгч этгээд эцэг эхийн хараа хяналтгүй байдлыг далимдуулан хорьж, хүчээр биеийг нь үнэлүүлж байсныг Эрүүгийн цагдаагийнхан илрүүлжээ.

Мөн   Б гэх этгээд удаа дараагийн  үйлдлээр  насанд хүрээгүй охидын зураг, бичлэгийг ашиглан айлган сүрдүүлж, эрхшээлдээ  оруулан улмаар биеийг нь үнэлүүлж байсныг илрүүлсэн байна.

Эрүүгийн цагдаагийн албанаас биеэ үнэлэлтийг зохион байгуулж, орон байраар хангаж байсан 42 дэн буудлыг хаалгах хүсэлтийг МХЕГ-т хүргүүлж, цахим орчинд биеэ үнэлэлтийг дэмжсэн 28 фэйж хуудсыг хаалгахаар Харилцаа холбооны зохицуулах хороонд албан ёсоор хандсан байна. 

Сэтгэгдэл (2)
love
haha
wow
angry
sad
Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
2020 оны 09 сарын 20
210.13.44.145
buudbuudbuud

alaach naaduuluigaa,

2020 оны 09 сарын 18
66.181.161.58
LhawgA

Bugdiin haa 21 d bol gaihaltai shdee bulan toirood buudal unheer urgaj bga tsetseg shig bdag pe SHD t ywaad haraarai