Автотээврийн үндэсний төвийн үйлчилгээг "Хөсөг трейд" ХК-ийн авдаг байсныг шилжүүлэхээр шийдвэрлэжээ

2020 оны 10 сарын 12

Засгийн газрын хэрэг эрхлэх газрын Цахим хөгжлийн үндэсний хороо, Зам, тээврийн хөгжлийн яам, Автотээврийн үндэсний төвтэй хамтран “Хөсөг Трейд” ХК-ийн байранд байрлах Автотээврийн үндэсний төвийн төрийн үйлчилгээг “Нийслэлийн Үйлчилгээний нэгдсэн төв”-д шилжүүлэхээр шийдвэрлэжээ.

Тодруулбал, “Хөсөг трейд” ХК-ийн байранд байрлах Автотээврийн үндэсний төв болон бусад төрийн үйлчилгээг үзүүлж буюу газруудад хүндрэл учруулж байгаа тухай гомдлын дагуу ЦЕГ, МХЕГ, ХЭҮК, ШӨХТГ-аас  шалгалт хийж,  улмаар  Автотээврийн үндэсний төв болон даатгал зэрэг бусад төрийн үйлчилгээг “Нийслэлийн үйлчилгээний нэгдсэн төв”-д шилжүүлэхээр шийдвэрлэсэн байна. 

Энэ талаар ШӨХТГ-ын дарга Б.Бат-Эрдэнэ: “Хөсөг трейд”-ийн захирал н.Нямбаяртай уулзсан. Засгийн газар И-монголиа хөтөлбөр хэрэгжүүлэн аль болох иргэдийн гар дээрээс зуучлалын мөнгө татахгүй байх ажил хийж байгаа. Мөн иргэд төрийн үйлчилгээг хурдан авах ёстой гэж үзэж байгаа. Энэ хүрээнд даатгалын системийг цахимд шилжүүлээд киост аваачаад тавихаар найман сая төгрөг нэхэж, гаргаж хаяж байна. 

Тус компани 1,000 м2 талбайгаа Автотээврийн үндсэний төвд түрээслүүлдэг юм байна. Энэ түрээслэж байгаа талбай дотроо даатгалын киоск оруулаад тавья гэхээр мөнгө нэхэж, гаргаж хая гэдэг шаардлага тавьж байна. Хувийн компани олон жилийн турш төрийн үйлчилгээн дээр монполь байдлаар талбай түрээслүүлж байсан. Тиймээс дугаар олгох, даатгалын үйлчилгээнүүдийг “Нэг цэг” рүү нүүлгэхээр болсон" гэлээ. 

Сэтгэгдэл (0)
love
haha
wow
angry
sad
Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.