Хадлан бэлтгэхээр Батширээт суманд очсон иргэн Онон голд живж, амиа алджээ


Хэнтий аймгийн аймгийн төвөөс баруун хойд зүгт 190 км-т, Батширээт сумын нутагт “Онон” голын усанд орж байсан нэг иргэн живж, амиа алджээ.

Тухайн иргэн Улаанбаатар хотоос тус суманд очиж хадлан бэлтгэх ажил хийж байсан гэдгийг ОБЕГ-аас мэдээлэв. Хэргийг тодруулбал, Есдүгээр сарын 10-ны өдрийн 16:00 цагийн орчим “Онон” голын усанд орж байгаад живсэн иргэний тухай дуудлагыг мөн өдрийн 16:45 цагт Цагдаагийн байгууллага өгчээ.

Улмаар тус аймгийн Онцгой байдлын газрын Баян-Адарга сум дахь аврах салбарын алба хаагчид дуудлагын дагуу эрэн хайх ажиллагаа зохион байгуулж, есдүгээр сарын 11-ний 10:54 цагт анх осолдсон газраас зүүн зүгт 300 метр зайтай “Онон” голоос олж, цогцсыг гаргажээ.

Эх сурвалж: ОБЕГ



Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

    Сэтгэгдэл бичигдээгүй байна