О.Баасанхүү:Хар машиныг ашиглах гэж оролдох, эсвэл мөнгө тараах зэрэг луйвар дараа нь илэрнэ

2020 оны 10 сарын 15

Монгол Улсын Ерөнхийлөгч, Ерөнхий сайд, УИХ-ын дарга нарын төрийн гурван өндөрлөг орон нутгийн сонгуулиа өгч буй үйл явдлыг бид шууд дамжуулан хүргэсэн. Мөн олны танил эрхмүүд сонгуулиа өгч, иргэдийг өөрсдийг төлөөлөх төлөөллүүдээ сонгох сонгуульд идэвхтэй оролцохыг уриалсаар байна. 

Тэдний нэг болох УИХ-ын гишүүн асан О.Баасанхүү орон нутгийн сонгуульд Орос 3 дугаар сургуулийн байранд саналаа өгч байх үеэр түүнтэй уулзаж, цөөн хором ярилцсанаа хүргэе.

-Сайн байна уу. Орон нутгийн сонгууль нийслэлчүүдийн хувьд хэр ач холбогдолтой сонгууль вэ. Энэ удаагийн сонгуулийн талаар өөрийн сэтгэгдлийг бидэнтэй хуваалцана уу?

-Өнөөдөр харахад орон нутгийн сонгуулийн ирц муу байна. Эндээс сонгуулийн ирц 40 орчим хувьтай өндөрлөх вий хэмээн санаа зовж байна. Орон нутгийн сонгууль бол аль нэг нам эвслийг дэмжиж улстөржих шаардлагагүй. Шинээр батлагдсан Монгол Улсын үндсэн хуулийн хүрээнд бие даасан удирдлагыг хэрэгжүүлдэгээрээ давуу шүү дээ. Энэ утгаараа та хэнийг сонгоно, тэр таны төлөө ажиллана гэсэн үг. Энэ онцлогыг харгалзаад өнөөдөр өөрийг чинь хэн төлөөлөх боломжтой гэж харж байна, тэр хүнээ сонгоорой гэж уриалмаар байна.

-Энэ удаагийн сонгуулиар нэр дэвшигчид  мөнгө, бэлэг сэлт тараасан, нэгнээ гүтгэсэн, бүр хар машин хакердах тухай ярьсан гээд олон үйл явдал болж байна. Эдгээр үйл явдлыг та хэрхэн дүгнэж байна вэ?

-Би нэг зүйлийг онцгойлон хэлье. Тэр нь юу вэ гэхээр одоо Ерөнхийлөгч Х.Баттулга 60, У.Хүрэлсүх 50 нас хүрч байгаа шиг байгаа юм. 20 жилийн дараа гэхэд эд нар 70, 80 настай болно гэсэн үг. Үүнийг бодох хэрэгтэй. Ер нь төрийн эсрэг аливаа гэмт хэрэг хөөн хэлэлцэх хугацаа нь 20 жилээс дээш байдаг. Өнөөдөр хар машиныг ашиглаад, эсвэл мөнгө тараагаад төрийн эрх мэдлийг хууль бусаар авах гэсэн аливаа үйлдэл нь магадгүй хүчтэй нь хүчгүйгээ илүүрхэж булхай луйвартай үйлдэл байлаа ч дараа нь илэрнэ. Хүлээх хариуцлага нь ойлгомжтой. Тиймээс дараа нь илрэх нь тодорхой иймэрхүү аюултай үйлдэл хийхгүй байгаасай гэж  хүсч, уриалмаар байна.

Н.Мөнхжин

Сэтгэгдэл (3)
love
haha
wow
angry
sad
Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
2020 оны 10 сарын 18
103.26.194.31
ЗОЧИН

Хүн чанартай залуу шүү ямар ч байсан хүнийг дугаарлана баян хоосоноор ялгаварлах тийм сэтгэл даанч нэг байхгүй, хүнд туслах сайхан сэтгэлтэй их дажгүй залуу шүү. Хүн чанартай хүн гэж боддог доо.Баасанхүүд амжилт

2020 оны 10 сарын 15
202.9.41.4
зоч

Хуц

2020 оны 10 сарын 15
103.80.211.192
zochin

боожиг