Цагдан хорих 423-р ангиас 6.8 жилийн ялтай хоригдол оргожээ

2020 оны 10 сарын 16

Өчигдөр буюу 10-р сарын 15-ны өдөр Говь-Алтай аймагт зам засварын ажил хийж байсан хоригдол 33 настай Э нь оргожээ. Тэрээр Өвөрхангай аймаг дахь ШШГЕГ-ын харьяа цагдан хорих 423-р ангид ял эдэлж байсан.

Гэрээний дагуу Говь-Алтай аймагт зам засварын ажил хийж байх үеээрээ оргосон байна.

Түүний оргосон цагийг ойролцоогоор 16.00 цаг орчимд барагцаалж байгаа бөгөөд цагдаа болон Шүүхийн шийдвэр гүйцэтгэх байгууллагын алба хаагчид эрэн хайж байна.

Энэ талаар ШШГЕГ-ын Хэвлэл мэдээллийн ажилтан Х.Баясгалангаас тодруулахад "Хэрэгтэн хулгайн хэргээр 6.8 жилийн ял сонсоод, ялынхаа 70 хувийг эдэлсэн байхдаа оргосон" гэх мэдээлэл өглөө. 

 

Сэтгэгдэл (0)
love
haha
wow
angry
sad
Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.