Испани улс нэг сая халдварын тохиолдол бүртгэгдсэн Баруун Европын анхны улс боллоо

2020 оны 10 сарын 22

Өчигдөр Испани улсад коронавирусийн халдварын нэг сая дахь тохиолдол бүртгэгдэж, халдварын тохиолдол нэг сая давсан Баруун Европын анхны улс болжээ.

Лхагва гарагийн байдлаар сүүлийн 24 цагийн хугацаанд тус улсад халдварын 16,973 тохиолдол шинээр бүртгэгдэж, 156 өвчтөн нас барсан гэх мэдээлэл бүртгэгдээд байна. Ингэснээр энэ оны нэгдүгээр сарын 31-нээс хойш Испанид албан ёсоор бүртгэгдсэн Covid-19 халдварын тохиолдол нийтдээ 1,005,295 болжээ.

Европ даяар коронавирусийн цар тахлын хоёр дахь давалгаа эхэлсэн ба зарим улс орны засгийн газар хөл хорионы дэглэмээ сэргээх талаар хэлэлцэж байгаа юм.

Испани улсад Covid-19 өвчнөөр нас барсан нийт 34,366 хүн байна. Зөвхөн сүүлийн хоёр долоо хоногийн хугацаанд Испани даяар эмнэлэгт хэвтсэн хүний тоо 20 хувиар нэмэгдээд байна.

 

Сэтгэгдэл (0)
love
haha
wow
angry
sad
Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.