Энэ долоо хоногт зам тээврийн ослын улмаас зургаан хүн амиа алджээ

2020 оны 10 сарын 23

Аравдугаар сарын 19-22-ны өдөр Тээврийн цагдаагийн албаны Жижүүрийн шуурхай удирдлагын хэлтэс нийт 1456 дуудлага мэдээлэл хүлээн авсан байна. Үүний 1145 нь зам тээврийн ослын шинжтэй  дуудлага мэдээлэл байжээ. Бүртгэгдсэн зам тээврийн ослын улмаас 19 хүн гэмтсэний 4 нь хүүхэд байна.

Ноцтой зам тээврийн ослын улмаас нийслэлд 1, орон нутагт 5  хүний амь нас хохирсон байна.

Нийт хүн гэмтсэн ослыг хэлбэрээр нь авч үзвэл: 

  • Явган зорчигч мөргөх хэлбэрээр –12
  • Мөргөлдөх хэлбэрээр-4
  • Үл хөдлөх зүйл мөргөх хэлбэрээр-1

Ноцтой зам тээврийн ослоос дурдвал:

  • 2020.10.19-ний өдрийн 18:55 цагийн орчимд СХД-ийн 18 дугаар хороо Үйлдвэрчний эвлэлийн гудамж “Тэсо” ХХК-ны урд замд Kia lotze маркийн автомашины  жолооч явган зорчигч 52 настай, эмэгтэйг мөргөж амь насын хохироосон.
  • 2020.10.22-ны 20 цагийн орчим Баян-Өлгий аймгийн Цэнгэл сумын 1-р баг “Намуун далай” гэх газар /сумын төвөөс хойш 50 км/ шороон замд  фургон маркийн автомашин онхолдож, зорчигч 4 настай, эмэгтэй К-н амь нас хохирсон.
  • 2020.10.20-ны 19.30 цагийн орчим Төв аймгийн Өндөрширээт сум 2-р баг “Бүс Хайрхан” гэх газар /Улаанбаатар хотоос Өвөрхангай чиглэлийн 188 кт/-т асфальтан замд Toyota Prius-20  маркийн автомашин Kia Granbird  автобустай мөргөлдөж,  зорчигч 23 настай, эмэгтэй Н-н амь нас хохирсон ноцтой зам тээврийн осол гарсан байна.
  • 2020.10.20-ны 17.10 цагийн орчим Баянхонгор аймгийн Бууцагаан сум 2-р баг “Цост булаг” гэх газар /сумын төвөөс баруун зүгт 60 км/-т шороон замд “Мустанг” маркийн улсын дугааргүй П жолоотой мотоцикл онхолдож жолооч  45 настай, эрэгтэй П-н амь нас хохирсон
  • 2020.10.20-ны 16.00 цагийн орчим Төв аймгийн Баян сум 2-р баг “12-р зөрлөг” гэх газар /сумын төвөөс урд зүгт 22 км/-т асфальтан замд Toyota Prius-20  маркийн автомашин онхолдож, жолооч 21настай, эрэгтэй Д-н амь нас хохирсон.
  • 2020.10.21-ний өдөр 22 цагийн орчимд  Дорноговь аймгийн Өргөн сумын 4-р баг /сумын төвөөс зүүн тийш 10км/ шороон замд УАЗ-469 маркийг автомашин Hyundai porter маркийн автомашинтай мөргөлдөж, жолооч 44 настай, эрэгтэй Г-н амь нас хохирсон.

                            ЯВГАН ЗОРЧИГЧИД ЗАМ ТАВЬЖ ӨГӨӨГҮЙ 449 ЖОЛООЧИД МОНГОЛ УЛСЫН ЗӨРЧЛИЙН ТУХАЙ ХУУЛИЙН

                                                            14.7.38-Д ЗААСНЫ ДАГУУ АРГА ХЭМЖЭЭ ТООЦЖЭЭ

Давуу эрх бүхий явган хүний гарц, уулзварт явган зорчигчид зам тавьж өгөөгүй 449 жолоочид Монгол Улсын Зөрчлийн тухай хуулийн 14.7.38-д заасны дагуу арга хэмжээ тооцож ажилласан.

Мөн алба хаагчдаас хийсэн хяналт шалгалтын үеэр согтуугаар тээврийн хэрэгсэл жолоодсон 158 жолоочийг илрүүлж, эрхгүй буюу эрхээ хасуулсан үедээ согтуугаар тээврийн хэрэгсэл жолоодсон долоон жолоочийг шүүхээр баривчлуулж хуулийн дагуу хариуцлага тооцсон байна. 

Нийт замын хөдөлгөөнд оролцогч та бүхэн тээврийн хэрэгслийн хурдыг тохируулж, техникийн бүрэн бүтэн байдлыг хангаж хөдөлгөөнд оролцох, архи, согтууруулах ундааны төрлийн зүйл хэрэглэсэн үедээ тээврийн хэрэгсэл жолоодож хөдөлгөөнд оролцохгүй байх, явган зорчигч хэлбэрээр хөдөлгөөнд оролцохдоо өөрийн аюулгүй байдлыг хангаж, замын хөдөлгөөний дүрмээ чанд баримтлан хөдөлгөөнд оролцохыг цагдаагийн байгууллагаас анхааруулж байна.
 

Сэтгэгдэл (0)
love
haha
wow
angry
sad
Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.